برنامج ديمو بيلدير

برنامج ديمو بيلدير برنامج مفيد جدا لو حبيت تعمل ديمو للبرنامج بتاعك

موقع البرنامج
http://www.demo-builder.com

نظم أفكارك مع مايند مانجر

برنامج مايند مانجر برنامج معمول بمزاج يستحق التقدير و وظيفته الأساسية تتمثل فى السؤال ده أزاى تعمل برين ستورم محترم و منظم بطريقة تخليك تقتنص أفكار دماغك و تنظمها و كمان بطريقة تساعدك على حل المشكلة و أتخاذ القرار بسرعة , كل حاجة فى البرنامج بالرسم كأنك واقف على بورد و معاك القلم و قاعد تخطط لكن البرنامج فيه تنظيم رهيــــــــــــــــــــــــب يخلى الأفكار تبرز للسطح و يقودنا بالتسلسل لحل المشكلة و أتخاذ القرار فى الأخر .. يعنى من الأخر البرنامج ده وسيلة مساعدة للتفكير المنظم المتسلسل من أجل حل مشكلة ما

قد يبدو البرنامج معقد لكن على العكس تماما , البرنامج مُصمم بمزاج و أحترافية شديدة موجهة نحو هدفه الأصلى. كل ما عليك أنك تعمل كليك بالزر الأيسر للماوس و كأنك بالضبط فتحت القلم و هاتكتب على البورد و الخطوة اللى بعد كده أنك تكتب

أو أنك تستخدم القوالب الجاهزة الموجودة فى البرنامج

ده أبسط قالب.. تجزأ المشكلة و تفرع و تعمل علاقات

ده ألذ قالب فيهم "التو دو لست" عشان تقسم وتنظم مهام أنت عايز تعملها أو مطلوبة منك

ده قالب جاهز برضوه لصنع القرار , الجميل فى القالب ده أن البرنامج بيساعدك على ملىء القالب بأسئلة متتالية بيسألهالك

وطبعا لا يخلو البرنامج من القالب المهم ده كمان

موقع البرنامج

بس كفاية كده عشان ورايا هم ما يتلم .. أشفوكوا بكرة أن شاء الله مع بوست لذيذ عن مخلوقات عجيبة هتنقرض فى القريب العاجل لأنها مش بتطور نفسها

عمل الهلب كما يجب أن يكون بأستخدام برنامج هلب أند مانيول

برنامج هلب أند مانيول برنامج زى العسل و وظيفته أنه يعمل ملف هلب للبرنامج بتاعك بأسلوب منظم جدا

أزاى؟

لو أنت عملت برنامج وعايز تعمل لبرنامجك ملف هلب محترم و منظم و بسرعة , تكتب في هلب أند مانيول كل اللى أنت عايز تكتبه للهلب بتاع برنامجك و بعد ما تخلص و تنظم كل حاجة , تخلى هلب أند مانيول يعملك كل أنواع ملفات الهلب اللى تتخيلها مرة واحدة بدل ما تدور على برنامج يعملك كل نوع منهم.

أى هى أنواع الملفات اللى ممكن يعملها؟

• سى أتش أم
• بى دى أف
• كلاسيك ون هلب
• فيجوال ستديو هلب
• براوسر ويب بيزد
• مايكروسوفت وورد
• كتاب الكترونى
• أكس أم أل

أيه هى فوائد أستخدام برنامج هلب أند مانيول؟

كتابة ملف مساعدة (هلب) لبرنامجك بطريقة أحترافية و سهلة ومنظمة بدل الأسلوب العادى و وجع الدماغ الناتج عن الأسلوب العادى

كتابة ملف المساعدة مرة واحدة فى هلب أند مانيول و بعد كده البرنامج يعملك الملفات اللى أنا أتكلمت عنها فوق مرة واحدة بسهولة تامة و بسرعة كمان وكده بيوفر على الواحد عناء تكوين الملفات دى من برامج أخرى يعنى كأن برنامج هلب أند مانيول كذا برنامج فى بعض مش برنامج واحد

سهولة التغيير فى شكل أو طريقة عرض أى نوع من الملفات دى يعنى مثلا لو أنت هتعمل بى دى أف لبرنامجك ممكن تغير فى شكل الصفحات و كل حاجة

البرنامج فيه حاجة حلوة أوى اللى هى البرمجة الشرطية يعنى مثلا أنت عايز كلام معين يظهر فى نوع من الملفات و ما يظهرش فى نوع أخر فممكن تستخدم البرمجة الشرطية فى أنك تحدد أيه الكلام اللى يظهر فى ملف و أيه اللى ميظهرش ده غير فوائد اخرى للبرمجة الشرطية طبعا

كل فى حاجة فى ملف الهلب ممكن أنك تغيرها وتخصصها "مش تخصخصها" زى ما أنت عايز

أيه هى الحاجة أو المشكلة اللى هلب أند مانيول بيقدم حل ليها؟

توفير وقت جبار فى عمل ملف هلب لبرنامجك

توفير وقت جبار لو حبيت تعمل الملفات الأخرى اللى أنا ذكرتها فوق لبرنامجك

عمل ملف هلب محترم و شكله أحترافى بدرجة عالية جدا جدا

بس كده تسلمولى يا حبايب , أشفوكم بكرة أن شاء الله

أه .. نسيت معلش ... البرنامج موجود على موقع

http://www.helpandmanual.com