الدنيا مالها ولا إحنا مالنا

من أجمل المسلسلات اللى شفتها مسلسل أبو العلا البشرى الجزء الأول و أكتر حاجه كانت عاجبانى فيه أغنية التتر اللى غناها على الحجار وخصوصا لما بيقول الدنيا مالها ولا أحنا مالنا

متمنعوش الصادقين عن صدقهم
ولا تحرموش العاشقين من عشقهم
كل اللي عايشين من بشر
من حقهم
يقفوا ويكملوا
يمشوا ويتكعبلوا
ويتوهوا أو يوصلوا
وإذا كنا مش قادرين نكون زيهم
نتأمل الأحوال ، ونوزن الأفعال
يمكن إذا صدقنا نمشي في صفهم

الدنيا مالها ولا إحنا مالنا
ولا الزمان نسانا إيه جرى لنا
بقينا نحبس في الصدور سؤالنا
ونحسد الصادق على صدقه
ونقف بين العاشق وبين عشقه
نهرب من الصافيين إذا بكيوا
ونحسد الباكيين إذا ضحكوا

متمنعوش الصادقين عن صدقهم
ولا تحرموش العاشقين من عشقهم
وإذا كنا مش قادرين نكون زيهم
نتأمل الأحوال ، وندرس الأفعال
يمكن إذا صدقنا نمشي في صفهم

ألحان: عمار الشريعي
غناء: علي الحجار

عجبتكوا!!

بى أس

الرابط ده هتلاقوا عليه التتر الأول ماتمنعوش الصادقيين
الرابط ده هتلاقوا عليه التتر الثانى لو مش هتحلم معايا مضطر أحلم لنفسى

والرابطين من موقع الأغانى الرائع

إلقى لك حد

أنغام ليها أغنيه قديمه أوى بس حلوه أوى و بتمس الملايين , فعلا أنا بدور على حد يفدنى و أفيده .. ينصحنى و أنصحه أتواصل معاه و يتواصل معايا لأن الحياه سلسله من الالام المتتاليه اللى مستحيل الواحد يواجهها لوحده

إلقى لك حد .. لو ضاقت بيك يفتح لك قلب

يبقى لك صحبة و أهل و بيت

يناديك لو إنت في يوم ضلّيت

و يشوفك لو ع الخلق داريت

و يحسّك رغم البين و البعد

إلقى لك حد

إلقى لك حلم من الأحلام

ماتسيبش سنينك للأوهام

دي الدنيا ما بين أفراح و آلام

الشوك تسقيه يطرح لك ورد

إلقى لك حد

إلقى لك قلب يحن إليك

و حبيب يشتاق و يروح يرضيك

لو طالت في الأيام لياليك

يبقى لك فجر و شمس و غد

إلقى لك حد