You can shine!
Dec 22nd, 2008 by Ahmed Saad El Din
الكلمات دي بتعجبني جداً .. لدرجة اني حاططها في كل حتة حواليا .. وعاملها نغمة للمنبه اللي بصحي عليه الصبح .. وبقولها باستمرار لأصحابي لدرجة انهم اتخانقوا من كتر ما بفكرهم بيها .. انا بحس انها ملهمة …. عارف النوع دة من الكلمات اللي بيُثير الحماس أو يشدك وانت بتنزل في بئر الاكتئاب .. ساعات بتقدر تشدك وساعات تجذب انتباهك بس وانت مستمر في النزول وساعات ولاااا كأنك بتسمع .. بس بعد شوية بتفتكر المعاني والكلمات تاني .
وبتلاقي فيه مواقف كتير بتستدعي الكلمات دي تلقائياً .. يعني مثلا .. لما تحس بالانسحاق .. كأنك بتتفرم تحت مكبس تلاقيك بتفتكر …
In a moment, everything can change,
Feel the wind on your shoulder,
ايه يعني ؟؟ .. المشكلة عويصة المرة دي !! .. مش قادر تستحمل .. معلهش .. حس كدة بالرياح وهي بتداعب كتفك .. ممكن الدقيقة الجاية تحمل شئ جديد مختلف ودي روعة الحياة يا عزيزي .. انها متغيرة
.
.
وساعات لما تحس ان مواقف معينة في الماضي مسيطرة عليك تلاقي السطر دة بييجي قدام عينك
Let go of your yesterday.
انسي أي ماضي مؤلم .. ماتخليهوش يسيطر عليك .. وافتكر كلمات تانية ملهمة برضة غناها علي الحجار :
أنا فى إنتظار الصباح
أنا داويت الجراح
وخلاص نسيت اللى راح
ومن جديد هابدأ
وبعد كدة تبدأ الكلمات تفكرك باللي نسيته .. تفكرك بأنك تتطير حتي ولو الواقع بيشدك بكلابشات للأرض
Can you hear it calling?
Can you feel it in your soul?
Can you trust this longing?
And take control,
حاسس بالطيران وهو بيناديك .. حاسس بروحك وهي بتهفو ليه .. والا ماعدتش بتثق في أي شوق لأي حاجة ؟!
.
.
ولما تفتكر كلمة “ما ينفعش” اللي اصبحت احد مرادفات حياتك اليومية .. تلاقي الكلمات تفكرك تاني وتقولك…
Forget about the reasons why you can’t in life,
And start to try, cause it’s your time,
Time to fly.
انسي كلمة ماينفعش وحاول تاني .. ولو لقيت ان فعلاً ماينفعش ومافيش فايدة ماتقولش انا فشلت .. وافتكر ان الفشل مرحلي والنجاح دائم , وان النجاح له ألف طريق مش طريق واحد زي ما بيقول أنيس منصور .
.
.
وفي النهاية .. ايه اكتر كلمات بتلهمك وتثير حماسك ؟
بي اس :
* شكراً يا كريم علي مقال انيس منصور 
* عنوان البوست من القصيدة
ما تعرفش البوست ده جه ف وقتى ازاى بالنسبة لى
فعلا حاسه بكلبشات مقيدانى ف الارض
ربنا يفكها من عنده
what are the inspiring words…
hmmmmmm
msh 3ala baly 7aga
but your obession with that song..and reiterating that..that i liked it as well lol
صاحبة الكلمات( سابقا ) موجه
أي خدمة
……………………………….
epitaph87
دي مليانة
LOL
زهقتك بيها انا عارف
هيا مش كلمات معينه يا أحمد ,
لكن بدي لنفسي دفعه بالكلام عموماً
جميل جدا الموضوع ده
لكل موقف كلمة تناسبه عندي.. كلمات مقدمة مسألة مبدأ كلها مثلا كتير قوي ترن في بالي ساعة الاكتئاب المركز!
“خايف من بكرة ليه، مين يعرف بكره ايه، انا مش هبص ورايا ولا أقول آه، مهما الأمل غاب العيون شايفاه، اليأس مش هيوصلك، ولو الهموم هتحصلك، ونخاف من بكرة ليه؟ مين عارف بكرة ايه؟… الخ”
“قم حيث أقامك الله” دي كلمة باسمعها كتير من د. علي جمعة … بافتكرها دايما لما ساعات أبقى محتارة هو اللي باعمله ده صح ولا لأ!
“صبرا آل ياسر، فإن موعدكم الجنة” دايما ترن عندي لما الواحد يبقى صبره على آخر شعرة!
أغنية Hero لماريا كاري كمان من الحاجات اللي بتشحن الواحد..
أنا لما بحس إني متضايق بقرأ الصفحة دي
http://www.shabayek.com/blog/%D9%88%D9%82%D9%88%D8%AF-%D9%84%D9%84%D8%AD%D9%8A%D8%A7%D8%A9/
تدوينة جميلة يا مستر و عاش مين شافك !!
علي فكره كلام أنيس منصور ممتاز
كريم عبد المجيد
دور بس كدة .. هتلاقي كلمة يمين أو شمال بتثير حماسك
………………………….
marmad
الله يخليكِ .. مع اني حاسس انه موضوع ملخبط وأفكاره مش مرتب
جميلة “قم حيث أقامك الله” …. فيه كلمة تانية ل د.علي جمعة بتعجبني “علامة الاذن التيسير”
………………………….
كابتن ويب
جداً يا صديقي
@كابتن ويب
خدي دي بقة بتاعة هيلين كيلر
Optimism is the faith that leads to achievement. Nothing can be done without hope and confidence.
صباحك سكر