مبرمج حر

يوم 20 اللي فات جوجل اطلقت (جوجل سيرش ويكي) …. الفكرة في (جوجل سيرش ويكي) انك لما تعمل سيرس في جوجل (وفي نفس الوقت لازم تكون داخل على الاكونت بتاعك) ؛ هتلاقي خيارات جديدة بجانب كل نتيجة من نتائج البحث

الخيار الأول أنك تقدر تحذف نتيجة البحث دي .. والخيار التاني انك تقدر ترتب نتائج البحث وتطلع مثلا نتيجة موجودة تحت في اخر الصفحة لفوق في أول الصفحة مثلا .. والخيار التالت انك تضيف تعليق عام علي نتيجة البحث أو تقرأ تعليقات عامة على نفس نتيجة البحث لناس تانية غيرك .. طبعا بالنسبة لخيار الحذف وخيار الترتيب دول بيبقوا ليك انت بالنسبة ومرتبطين بالاكونت بتاعك مش عامة على أي حد هيشوف النتائج دي بعد كدة

الفكرة الاساسية ورا (جوجل سيرش ويكي) أنك تقدر ترتب نتائج جوجل بالطريقة اللي بتفضلها أو تلغي منها لو حبيت .. وخصوصا ان فيه كلمات كتير بتكرر البحث عنها من وقت للتاني

Google SearchWiki Launched