links for 15-11-2007
Nov 15th, 2007 by Ahmed Saad El Din
طريقة جديدة ومختلفة لقراءة الفييدز لقيتها عند
Dumb Little Man .. موقع اسمه Feed Crier , بيبعتلك الفييدز عن طريق الماسينجر بدل الإيميل أو الفييد ريدير .. طبعاً الطريقة دى مش هتنفع لو أنت بتابع فييدز كتيرة , هى لذيذة فى متابعة عدد محدود من المدونات والمواقع .
………………………..
(Beginning Programming) كتاب جميل موجه لأى حد عايز يبقى مبرمج , وفى نفس الوقت ماعندوش أى خلفية عن البرمجة خالص .. بيبدأ الكتاب فى الأول بشرح “ماهية البرمجة” ثم “ليه اتعلم برمجة؟؟” وبعد كدة يبدأ بالتدريج فى شرح “how” .
………………………..
مدونة شبايك مدونة غنية عن التعريف , ومن المدونات القليلة اللى بيتفق شعارها مع مضمونها .. شعارها (الأمل، التفاؤل، الإيجابية، النجاح) , وبالفعل دة اللى هتحسه سواء قريت أى بوست فيها أو قريتها كلها .. وبرضة هى من المدونات القليلة اللى تعليقاتها بتثرى تدويناتها , وعلى نفس المستوى . من فترة بدأ الأخ شبايك فى تلخيص كتاب اسمه (أبي الغني – أبي الفقير) للكاتب روبرت كايوساكي .
التلخيص ملىء بالدروس المفيدة بحق, وأجمل وأهم درس بالفعل (من وجهة نظرى) هو اخر درس قبل كلمة النهاية .. عَلِم غيرك وسوف تؤجر :
عَلِم غيرك وسوف تؤجر
يعلمنا ديننا أن العطاء (ولو كان قليلا) لوجه الله يعود عليك بالأجر والثواب، في الدنيا والآخرة، ويزيدنا روبرت بالقول أنك حين تضيق في وجهك الأبواب، افعل الخير وابذل العطاء، وانتظر المردود الوفير، في وقته الذي يريده له الله، لا الذي تريده أنت. حين يحتاج روبرت إلى المال، فإنه ينفقه في أوجه الخير، ليجده يعود إليه أضعاف ما أنفق.
يشبه روبرت الأمر بحفرة النار التي يوقدها الناس طلبا للدفء، فما لم يمدوها بالحطب، ويستمروا في هذا المد، فلن يحصلوا على الدفء المنشود.
انتهى##
ودى روابط التدوينات اللى لخص فيها الكتاب جزاه الله كل خير, وعلى الرابط دة نسخة كاملة pdf من الملخص
الأغنياء لا يعملون من أجل المال
إذا كنت تنوي أن تكون ثريا، فتعلم بعض القواعد المالية
اشغل نفسك بشئونك وأعمالك الخاصة
اعمل وتوظف كي تتعلم، لا تعمل من أجل المال
إيقاظ العبقري المالي النائم داخلنا
الملخص الكامل لكتاب أبي الغني أبي الفقير
و
.
.
سلام مؤقت
اقتصاد؟؟؟
ايوة مين بينادى
لا الموضوع كدة عايزله قاعدة بجد وورقةوقلم عشان اعرف استفاد
والف شكر ع الكتاب التقييييييييل ههههههههه
بجد جزاك الله عنى خير الجزاء اللهم اميييييييين
جميلة اوي مدونة شبابيك فعلا
انا سمعت اسمها قبل كده بس أول مرة ادخلها
واضح انها ثرية جداا
الف شكر ليك يا احمد يا مظبطنا
والله ربنا يكرمك فعلا على الحاجات اللي بتقدمها
انا بستفيد من كل تدويناتك
جزاك الله خيرا
افضل Google Reader واذا لم تقم بتجربته انصحك بتجربته وان شاء الله يعجبك
كتاب (Beginning Programming) عندي بالفعل نسخة الكترونية منه وهو كتاب اكثر من رائع فعلا
و بيجيب امثلة للغات متفرقة علشان تشوف الفرق بينهم وعامل شغل جامد
مدونة شبايك زي منتا قولت غنية عن التعريف وان شاء الله نقرا الكتاب المترجم ده شكله بيقول انه جامد
جزاك الله كل خير
انت علي طول اصلا بتاخد ثواب فينا
مش قر والله
ماشاء الله يعني
بجد يااحمد ربنا يكرمك
العفو يا جماعة .. ألف شكر
تحياتى ليكم جميعاً
وجزانا واياكم
تسلم ايدك انا اول مرة اسمع علي حوار الريدر بالماسنجر دا …
البي دي اف الاخير دي ما شاء الله … حاجه كدا تشرح القلب..
تشرفت بالتعرف على مدونتك.
اتمنى أن تزور موقعنا الجديد الذي افتتح اليوم و سأتابع مدونتك بإذن الله.
تحياتي.
الف شكر وجزاك الله خيرا على مجهوداتك النيرة