About Google Gears
Oct 31st, 2007 by Ahmed Saad El Din
جوجل ريدير خفيف وجميل , وكونه ويب أبليكشن ؛ بيمنحه مزايا مش موجودة فى برامج ديسك توب زى سنيرفر , و فييد ديمون , وفييد ريدير وغيرهم .
مزايا جوجل ريدير ونظرائه عموماً :
1. المدونات والمنتديات والمواقع اللى بتابعها , محفوظة عليه بشكل دائم .. على عكس سنيرفر , وفييد ديمون , وفييد ريدير ؛ لأنك محتاج تعمل export بشكل دورى ؛ عشان لو حصل مشكلة للويندوز ما تفقدش روابط المدونات , والمنتديات , والمواقع اللى جمعتها على فترة زمنية كبيرة .. تخيل لو متابع عدد كبير من المواقع , ونسيت تعمل export , ونزلت الويندوز لأى سبب .
2. بيفصلك عن الجهاز اللى أنت بتسخدمه , بمعنى أن ممكن تستخدمه من أى جهاز .. مش محتاج إلا نت ومتصفح بس .. وكمان بيفصلك عن نظام التشغيل , يعنى أنك ممكن تتابع مدوناتك المفضلة سواء على ويندوز أو لينوكس أو ماك .. على عكس برامج الديسك توب زى سنيرفر لأن سنيرفر مرتبط بالويندوز بس , وفى نفس الوقت موجود على جهاز واحد بس .
3. سنيرفر ونظرائه لازم يشتغلوا بصفة مستمرة عشان يعملوا تحديث للفييدز .. ودة بيخليهم يستهلكوا من الرامات .. وحتى لو الرامات عالية ؛ ليه أخلى برنامج يستهلك جزء من الرامات بشكل دائم طول من أنا بستخدم الجهاز .. هو ممكن تقفل سنيرفر وتشغله من وقت للتانى عشان يعمل تحديث للفييدز , بس لو عملت كدة هيطول فى التحديث .
4. مزايا المشاركة المتوافرة فى جوجل ريدير .
جوجل ريدير له مزايا كتير لكن
لو عدد المدونات اللى بتابعها زاد , أو لو بتابع مواقع بتتحدث عشرات المرات فى اليوم الواحد .. يعنى مثلا لو فتحت جوجل ريدير الصبح , وقالك أن موقع زى Engadget فيه 190 بوست جديد .. لما تيجى تضغط لينك Engadget على الشمال , هيبدأ جوجل ريدير يحمل ويطلب ال 190 بوست عشان يعرض شوية شوية منهم فى باقى الصفحة .. دلوقتى أنت عديت بعينك بسرعة على العناوين , هتبدأ تنزل ال Scroll bar عشان تشوف باقى العناوين .. ايه اللى هيحصل ؟؟ .. جوجل ريدير هيقولك تحت على اليمين
“…Loading more items“
واستنى بقة عقبال ما يطلب الباقى تانى وهكذا .. طبعا عملية مملة .. تخيل لو ضايف عندك عشر مواقع بس زى Engadget .. وكل دة لسة بتشوف العناوين بس .
أقفل جوجل ريدير وأفتحه بعد شوية .. هتلاقيك بتكرر نفس السيناريو الممل دة .. هنا بقة ييجى دور برنامج زى سنيرفر .. لأن سنيرفر بيحمل وينزلك الجديد مرة واحدة بس .. لو عايز تقراهم أوف لاين ينفع .. عايز تقرا العناوين بسرعة ينفع , ومفيش تحميل ممل كل مرة زى تحميل جوجل ريدير .
السؤال : هل ممكن استمتع بمزايا الاتنين ؟؟ .. يعنى أستخدم جوجل ريدير كأنه برنامج على الجهاز زى سنيرفر (مجازياً) , وبدون تحميل مُمل كل مرة , وفى نفس الوقت أقدر اقرأ لو أنا أوف لاين لأى سبب ؟؟
ينفع عن طريق Google Gears .
إضافة بتتضاف للمتصفح بتاعك , وعن طريقها تقدر تقرأ (أوف لاين) أحدث 2000 بوست عندك فى جوجل ريدير , وهتلاقى تصفح العناوين سريع جداً .. يعنى لو بقالك كام يوم مش فتحت جوجل ريدير , وفوجئت أن فيه 1000 بوست جديد , هتقدر عن طريق Google Gears , أنك تتصفح العناوين بسرعة وتترحم من الشلل والملل , وفى نفس الوقت لسة مستمتع بمزايا جوجل ريدير ك ويب أبليكشن .
ايه الحاجة اللى بيسدها Google Gears ؟؟
1. قراءة التدوينات والتحديثات أوف لاين .
2. تصفح مئات العناوين بسرعة .
3. بيخلى جوجل ريدير يجمع بين مزايا برامج الديسك توب , ومزايا برامج الويب .
إزاى استخدم Google Gears ??
1. افتح جوجل ريدير , وإعمل كليك على offline
وبعد كدة هتمشى فى خطوات تنزيل Google Gears على جهازك طبيعى , وبعد ما يخلص , اعمل ريستارت للمتصفح بتاعك .
2. بعد كدة , افتح جوجل ريدير تانى وكليك على السهم الأخضر دة .
3. بعد كدة روح اعمل شاى بالنعناع عقبال ما Google Gears ينزلك آخر 2000 بوست .. بس ما تأخرش عشان هينزلهم فى دقائق معدودة .
4. بس خلاص .. كدة جوجل ريدير أصبح زيه زى سنيرفر .. ابدأ تصفح العناوين كدة , هتلاقى التصفح سريع جداً لأنه نزلك التدوينات على جهازك .
ولو عايز تفصل كابل النت لأى سبب , برضة هتقدر تقرأ العناوين والتدوينات الجديدة .
5. لما تحب ترجع تانى أون لاين دوس على السهم الأزرق .
بس كدة
سلام مؤقت
مواضيع متعلقة بالموضوع :
مقـال جميـل جدا يا ابو حميـد
وهجربه لاني اول مره اسمع عنه بصراحه
الله يفتح عليك يا فندم.. أنا باجربه فعلا بدل ما كل ما الويندوز تضرب أعيد كل الفيدز من تانى!!
جزاك الله خيرا
thanks for the good post, u said kalam zay elfoll,hope i can apply,salam
لك جزيل الشكر يا عزيزي معلومات بالفعل مفيده
لي سؤال خارج الموضوع لو سمحت لي
عاوز اعرف هل فيه محركات بحث تبحث في محركات البحث
بمعنى بدل ما ادور في جوجل وياهو ام اس ان
كل على حده
عاوز محرك بحث يبحث فيهم كلهم ويكون حاجه موثوق فيها
اكوت شاكر لوقتك لو جاوبتني على سؤالي ده
الف الف شكر ليك
كتير حلو عنجد !
على فكرة انا حوّلت من فترة على جوجل ريدر .. وبدأت اتعود عليه فعلا
هاجرب قصة الجيرز .. مادام انت بتصح بكدة ! خلينا نشوف
سلامات
النجدة !!
نزل البرنامج وبدأ في التنزيل وبعدين قفلت كل المتصفحات زي ما حكالي ,, بعدين كتبلي
Fatal error ….
أعمل ايه ؟؟؟؟
تم التنفيذ ولسة بجرب بقى حكاية الأوف لاين دي
بس والله حاجة جميلة ومريحة لأني بستخدم فعلا سنيرفر وحكاية الاكسبورت دي كانت تعباني شوية
ربنا يكرمك يا احمد وينفع بيك كمان وكمان ويجعل كل اللي بتعملو ده في ميزان حسناتك
رااااااائع ما شاء الله
من فتره كان في بالي و كنت محتاجه أعرف حاجات كتير فيه بس كنت مشغوله
ربنا يكرمك و يبارك فيك بالخير و يوفقك يا رب
هاجربه ان شاء الله
شكرا لك
بصراحة كتير سكعت عن البرنامج وكتير حاولت نصبوه بس للأسف ما عم يمشي الحال
لأنو من أكتر من شهر وكل ما حاول نصبوه بيقلي أنو في خطأ بالكود .. مابعرف شو صاير ولافهمانة كيف بتنحل هالقصة
أول شي بنزل البرنامج من النت .. فبتنزل أيقونة االتنصيب عندي على الكمبيوتر .. بس تنزل بنقر عليها بيقوم بيغطلو بالنوم شي خمس دقايق و بيطلعلي مايلي:
installation failrd. please try again.Error code=0x80072f78
إذا بتقدر تساعدني بكون ممنونتك
آسف يا جماعة على التأخير دة كله فى الرد
Mutati0N
شكراً يا صديقى
جربه هيعجبك
………………………
marmad
ألف شكر , وجزاكى الله كل خير
………………………
7elm
el3afo .. always be happy when see your comments ..
Tell me if something goes wrong while you using google gears
salam
………………………
اسكندراني اوي
العفو يا صديقى , وأنت تأمر ..
هو جوجل كفاية أوى الصراحة بس عموما فيه
برنامج اسمه
copernic
بيعمل الوظيفة دى
تحياتى لك
………………………
علا من غزة
ألف شكراً على علا
سلامات
………………………
آلام وآمال
حكاية الاكسبورت شلل أصلا وبتاخد وقت
آمين
ربنا يخليك يا صديقى
………………………
Zo0oZ
لأ جربيه , هيوفرلك وقت جامد
العفو .. جزاكى الله كل خير وسعيد بزيارتك الكريمة
………………………
fatosha
جوجل جييرز لسة اصدار بيتا فممكن تكون هى دى المشكلة عندك .. بس فيه مناقشة جيدة للمشاكل دى فى اللينك دة
السبوت بلوك في سوريا محجوبة .. يرجى إيجاد حل آخر
على فكرة يمكن علا من غزة عندها ذات المشكلة
شكراً كتير ع المساعدة
هجرب الحكايه دى رغم انى قلقان مش عارف ليه
[...] Offline Internet؟ Google Gears أو تروس جوجل، هي إضافة على المتصفحات تسمح باستخدام تطبيقات الويب بالكامل دون الحاجة لاتصال انترنت، مثال على ذلك، لنفرض أن لديك الكثير من التدوينات لم تقرأها على Google Reader ، يمكنك الآن تصفح آخر 2000 تدوينة بدون انترنت! فقط حمل Google Gears على جهازك و اضغط على Offline بالأعلى في صفحة وسيقوم Google Reader بتحمليها على جهازك ثم تستطيع تصفحها في نفس جوجل ريدر Google Reader. إليك شرح مفصل هنا. [...]
السلام عليكم
انا ما لقيت ايقونة الأوف لاين في جوجل ريدير
من وين اجيبها
fatosha
جربى استخدمى بروكسى
العفو
………………………….
Mohamed A. Ghaffar
قلقان ليه !! , دة هيوفرلك وقت جبار
………………………….
reem
وعليكم السلام ورحمة الله وبركاته
مرحبا بيكى
فوق على أقصى اليمين , هتلاقى رابط اسمه
offline
جنب ال
Settings
من على الشمال
السلام عليكم
بحثت عنه والله في نفس المكان ما لقيته
الله يبارك فيك لو اقدر احط لك صورة من نفس شاشتى عشان تشوف انه مافي
بس كيف ارفق الصورة هنا؟
وعليكم السلام ورحمة الله وبركاته
ابعتيهالى على الميل دة
mooparmghor@gmail.com
[...] , وبعده (FeedDemon) , وبعده (Snarfer) , وأخيراً (Google Reader) وتمامه ب (Google Gears) .. وأعتقد أنى هاستقر على (Google Reader) ما لم أجد الأفضل [...]
انا بعد ما نزلت البرنامج مش راضي يكمل تسطيب
مش عارفة ليه
بجد محتاجة جدا جدا
ارجو الرد بسرعة
ديدى
أولا : مرحبا بيكى
ثانيا:
فيه
Error
معين بيظهر قدامك؟؟
جميلة الفكرة
جزاك الله خيرا
السلام عليكم و رحمة الله و بركاته
أنا من سوريا و لا يعمل البرنامج و يعطيني خطأ , أرجو من لديه حل أن يدلنا عليه
و مشكورين على المدونة