مبرمج حر

أريد أن ألعب لعبة .. قواعدها بسيطة

“معظم الناس غير شاكرين لكونهم أحياء .. لكن ليس أنت .. ليس بعد الأن .. اللعبة انتهت“

“مريض, أنا المرض هنا يا سيدي .. مريض بالناس الذين لا يشكرون على وضعهم .. مريض بهؤلاء الجاحدين“

“الشرطة و الصحافة هم من أطلقوا علىَّ ذلك الإسم “رجل الاحجيات” (المنشار) ، و لم أشجع و لم أدعى ذلك .. قطع الإحجية التى أقطعها من الناس هى مجرد لتلميح ؛ أن ذلك الشخص يفتقد إلى شيء ، قطعة حيوية من أحجية بشرية .. غريزة البقاء“

“معرفة فكرة الموت تغير كل شيء .. إذا أخبرتك بتاريخ ووقت موتك ؛ ذلك سيحطم حياتك تماما ً ! و أنا أعلم ذلك الشعور .. أتتخيل ما هو شعور أن يحبطك أحدهم .. أن يخبروك بأنك ستموت .. يثقلك ذلك , ويهمك , وتصعب عليك نفسك .. والوقت يمر , وفى غضون ثواني ينشق عالمك إلى نصفين وتنهار حياتك ، تشعر بالأشياء بصورة مختلفة .. وترى وتشم بصورة مختلفة .. تقدر كل شيء .. حتى كوب الماء .. أو تنزه فى الحديقة“

“أغلب الناس لديهم رفاهية عدم معرفة متى ستتوقف حياتهم .. والسخرية فى ذلك أن الجهل يجعلهم يعيشون حياتهم وهم يمشون نياما غير مدركين .. يجعلهم يشربون ذلك الكوب من الماء , ولكن بدون شعور لأهميته“

“مستعدة لتقديم أى شيء فى العالم لكى أرى زوجى“

“العلاقات الزوجية دائما ما أدهشتنى ؛ الأزواج بالكاد يحتملون رؤية زوجاتهم“

“الموت رحلة مفاجأة , إلا إذا كنت طبعا ميتاً بداخلك بالفعل“

“يجب أن تقابلى الموت كى تولدى من جديد“

“انه هراء .. لا أحد يتغير .. كله كذب .. أنا أخبرك,أنها لم تتغير .. لأنه لا أحد يتغير .. لا أحد يولد من جديد“

دى الجمل الحوارية اللى عجبتنى فى الجزء الأول والثانى والثالث لسلسلة أفلامSaw .. الأصل عندى أنى مش بحب أفلام الرعب (إلا لو كان رعب الغموض زى “رينج” مثلا) , لكن سلسلةSaw مختلفة .. اللى شدنى ليها أنى مرة قريت قصة صغيرة بس مش فاكر فين ولا امتى عن شخص هيقوم من النوم يلاقى نفسه مربوط بسلسلة حديد فى ماسورة داخل حمام , وهيلاقى قريب منه منشار . المنشار مش قوى للدرجة أنه يقطع بيه السلسلة لكنه منشار على أى حال .. والمفروض أن الشخص دة هيختار بين أنه يموت أو يقطع رجله بالمنشار عشان يخلص من السلسلة وينجو .. تعمل ايه لو كنت مكان بطل القصة تقطع رجلك والا تستسلم؟؟ .. المهم نسيت القصة خااااااااااالص .. .. بعدها بمدة كبيرة فتحت ال mbc2 .. وشوفت المشهد دة فى فيلم , وحسيت بال Déjà vu .. كان بيتعرض الجزء الأول من Saw .. جراح مربوط بسلسلة حديد فى ماسورة فى حمام , وهيتحط فى اختبار مريض .. يا إما يقتل واحد مالوش ذنب (آدم) , أو يقطع رجله بالمنشار عشان يخرج , ويحاول ينقذ مراته وبنته , أو يستسلم .. قعدت اتفرج عليه .. عجبنى جداً تفكير الدكتور المنطقى المتسلسل فى أول الفيلم , الفيلم بينتزعك تماما من مكانك , ويحطك مكان الممثلين .. بتحس بنفس عذابهم وحنقهم تجاه الراجل المريض (Jigsaw) اللى بيحطهم فى اختباراته .. وبيوصل حنقك لأقصاه فى آخر الجزء الأول .. وعلى الرغم من دة كله , بتلاقى نفسك فى آخر الجزء الأول معجب بعبقريته .. مخه ذرى بمعنى الكلمة .. الجزء الأول بيبدأ يزرع جواك بداية الاعجاب ب Jigsaw على الرغم من أنه بيشحنك ضده تماما بدرجة كبيرة لغاية قرب نهاية الفيلم وأنت شايف أبطال الفيلم بيتعذبوا بدون سبب واضح .

اللى يغيط بقة أن Jigsaw ماكنش معتبر نفسه قاتل متسلسل (serial killer) .. دة على العكس بيكره القتلة ويحتقرهم زى ما كان بيقول فى الجزء الثالث !!! .. كان له منطقه الخاص الممزوج بهدوء ممتع مثير , وعبقرية نادرة .

نزلت الجزء الثانى والثالث من الفيلم وكانوا أجمل وأجمل .. وكالعادة كل جزء لا يخلو من خدعة محكمة للغاية بتنكشف فى آخر الفيلم .. وتسمع صوت Jigsaw أو أماندا وهما بيقولولك آخر حاجة كنت تتوقعها , ممزوجة فى الخلفية بالثيمة الروعة اللى بتشتغل فى اخر خمس دقايق لما الخدعة تنكشف .

هينتهى الجزء الثالث بموت Jigsaw .. هيموت على الرغم من أن فيه مشهد فى الجزء التالت ماكنش له تفسير .

“أنت تعتقد أن اللعبة قد انتهت , ولكنك مخطىء ؛ فقد بدأت اللعبة للتو“

ايه بقة اللى فكرنى بكل الكلام دة .. الجزء الرابع من SAW هيبدأ عرضه النهاردة .. Jigsaw وأماندا ماتوا لكن لسة اختبارات الأول عايشه , وفى انتظار آخر ظابط اللى ماجاش جنبه Jigsaw فى الأجزاء اللى فاتت

فيه كليب من الجزء الرابع مقفول بكلمة سر .. نصيحة أخوية , ابعد صوابعك عن الشاشة لو حاسس أنك هاتكتب الباسورد غلط

بتقول ايه الباسورد ؟؟؟

اجمع “2″ زائد “عدد ال bytes فى “Kilobyte.

سلام مؤقت