التااااااااااااااج الذهبى
May 16th, 2007 by Ahmed Saad El Din
يسعدنى أن أقدم لكم التاج الذهبى القادم من محلات ايبتاف للتاجات , والقادم أيضا من عند اسراء , و أيضا من عند مها .. ما هو أصل كما تدين تدان , وأنا آذيت مدونين ومدونات كتير وآآآآآآآآآآآن الأواااااااااان أنى أدفع الثمن .
على بركة الله , هو تاج والا أكتر ….
أحب شخص لقلبك في الدنيا؟
والدتى ووالدى وأخوتى .
انسان مستعد تضحي بحياتك – ركز فى كلمة حياتك – عشانه؟
نفس الاجابة اللى فوق بالإضافة لأى إنسان هكون مسئول عنه .
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
كتيــــــــــــــــــــــــــــــــــــــــر , وأنا فى الثانوية العامة كان فاكر فيه قضية مشهورة أوى لواحد حرامى سرق شقة , وقتل أم وأطفالها , ده كان نفسى اعمل معاه كدة .. عقبة بن أبي معيط اللى حاول يخنق سيدنا محمد عليه الصلاة والسلام ؛ لما راح والرسول ساجد خلف المقام بالكعبة ووضع رجله على عنق الرسول وحاول يخنقه , وبرضة لما وضع قاذورات على كتف النبى وهو ساجد .. واللى يتكلم على بنت بكلام مش كويس , ببقى نفسى أعمل معاه كدة .. اللى بيتحرش ببنت ببقى نفسى اعمل معاه كدة .. بالذات موضوع التحرش ده بيعصبنى جدا مع أنى نادراً لما اتعصب .. أنا قعدت شهر كامل مغموم بسبب موضوع التحرش اللى حصل فى العيد الصغير اللى فات .. فيه أفعال من البشر بجد بتحسسك بالشعور ده , أنك نفسك تشرب من دمه .. وتدخل سكينة فى قلبه بالراحة وتلفها بمزاااااااااااااج .. على فكرة الموضوع مش فتونة , أنا هادى جداااااااااااااا لكن السؤال بيقول “تمنيت” ؛ يعنى الواقع قد يكون شىء مغاير تماماً .. فيه معنى حلو جدا قريته فى كتاب “المسيخ الدجال” ل د.مصطفى محمود , كان بيقول الناس تغنى وتتكلم زى ماهى عايزة لكن لو عايز تعرف الإنسان الحقيقى , هتعرفه فى لحظة اختيار حر مباشر , يعنى اختياره الحر فى موقف .. ساعتها ممكن تشوف المتشدق بالشجاعة حائز على جائزة الجبن , وتلاقى المؤمن بمبدأ بيكفر بيه , يعنى فى مواقف الأختيار هتقدر تعرف الانسان الحقيقى , هل زى ما هو بيدعى , والا انسان مغاير تماما سواء بالسلب أو الايجاب .
ما هو اسم اجمل كتاب كتبه بشر قراته ومحتفظ به حتي الان؟
كتاب أنبياء الله لأحمد بهجت , بحب الكتاب ده أوى .. معايا من 15 سنة وقدام عينى دلوقتى وأنا بكتب التدوينة دى .
اسم كتاب كتبه بشر برضة- انت متعلق بيه وبتقرأه كل فترة؟
كتير لكن بعشق وأموت فى ما وراء الطبيعة وفانتازيا .
اهم جهاز منزلى انت متعلق بيه او بتستخدمه كتير؟
كوكو .
مكان تحس بالراحة عندما تدخله؟
أى مكان فيه هدوووووووووووووووووووووء .
شىء تحس بالراحة النفسية عندما تنظر اليه؟
خط التقاء السماء بالبحر .
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
الكلية و اسكندرية .
اجمل مدينة زرتها داخل مصر ؟
الغردقة واسكندرية .
أجمل مكان طبيعي رأيته داخل مصر ؟
بحر اسكندرية فى الشتااااااااااء .
شخصية كارتونية بتحبه
سانشيرو (سانشيرو البطل المغوار .. سانشيرو .. أحب العلم فتعلم واخترع دميته جومارو .. وصار …… مش فاكر باقى الاغنية)
جيم هوبكنز و جون سيلفر أبطال كرتون جزيرة الكنز (ها نحن ذا.. على دروب كنزنا نسير معا وأمالنا تسير قبلنا .. من غيرنا يقطع يوما مثلنا .. دربا خطيرا الى الجزيرة من غيرنا .. جزيرة عجيبة وكنزنا فيها .. دروبها غريبة من يوافيها .. نهاب المخاطر لانها كثيرة .. لكننا معا وكنزناااااااااااااااااااااااااااااا في الجزيرة .. جيم مع بيمبو في رحلة مثيرة .. جميعا معا على دروووووووووب الجزيرة) .
نيلز
كعبول
مازنجر
جرانديزر والتتر بتاعه بصوت سامى كلارك الساحر
كابتن ماجد
نوع هاتفك المحمول؟
نوكيا
سرعة بروسيسور جهازك؟
1,66 جيجا هرتز
حجم ذاكرة –هارد- جهازك؟
الرام : 512 ميجا و الهارد : 80 جيجا
المساحة التى تشغلها المواد الاسلامية على جهازك؟
985 ميجا
نفس المساحة السالف ذكرها فى قلبك -الاجابة لنفسك عشان الرياء يا اخواننا -؟
طب ايه لزمة السؤال لما أنت بتقول “الاجابة لنفسك عشان الرياء” !!!!!!
أهم هدف انت واضعه لحياتك الآن؟
مش بقول حاجة عن أهدافى إلا لما أنفذها ساعدتك .
مواصفات فتاة الأحلام بالنسبة لك؟
رقيقة بلا حدود .. بينى وبين قلبها جسر ممدود .. كل يوم قبل أن القاها مفقود .. تراها عينى فى كل موجود .. ويوم لقياها يوم مشهود .. يفيض قلبينا حبا للودود .. اذا سمعت أنغام صوتها فأنا مسعود .. تذكرنى أمامى وفى غيابى بكل محمود .. لا ينسى عقلها يوم مورود .. ولا يغفل قلبها عن يوم موعود و ……… بتحب كوكو (الكمبيوتر يعنى) جاااااااامد , مش نظام “بيجلى حساسية من الكمبيوتر”
صف ما يأتى:شعورك لما بتسمع كلمة مصر ؟
بحس بقشعريرة الحب .
شعورك لما بتسمع كلام عن اليهود؟
بفتكر الاية الكريمة {أو كلما عاهدوا عهداً نبذه فريق منهم بل أكثرهم لا يؤمنون} [البقرة 100] .
شعورك لما بتشوف ظابط شرطة؟
اااااااااااااااااااااااااه من نشر الدووووووود فى بطن العموووووووود , حىىىىىى
شعورك لما بتشوف الكناس العجوز فى الطريق؟
مهنة تستحق الاحترام والتبجيل ,وساعات أشوف كناس وأقول لنفسى من يدرى , هل فيه عبقرية مختفية داخل الكناس لكن مطموسة ومحتاجة اللى يكتشفها .. أو أفتكر واحد كان شغال فى جراج واكتشفوا (وهو فى الجراج) أنه عبقرية ادارية رهيبة , وده كان سبب أنهم عينوه رئيس مجلس ادارة الشركة دى , تقريبا شركة فورد , مش فاكر
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
شكل لا يغنى عن المضمون
احساس يراودك فى اشارة مرور مغلقة بسبب مسئول كبير؟
بفتكر فيلم اشارة مرور , سلبيات مجمتع بحاله كانت فى اشارة مرور
والأن نبدأ الملحمة , أحب بس أفكركم أن فى أخر التدوينة السابقة فيه مدون (أو مدونة) رمى عليا طوبة فى أخر التدوينة خالص , لما قلت أنى همرر التاج ده ل 80 مدون ومدونة .. ايه أنتوا كل حاجة تصدقوها والا ايه ههههههههههههههه عموما بلاش نمرره ل 80 واحد المرة دى لأنى أكيد مش هاقدر أتلافى 80 طوبة فى نفس اللحظة وده طبعا لغاية ما نعرف مين اللى رمى الطوبة ؟!
عموماً , بسم الله الرحمن الرحيم
فيه معاهدة سلام بينى وبين مونى وبالتالى مش هقدر أمرر ليها تاج , ممممممممممم , يبقى مفيش غير تسنيم , أحب أقولكم يا جماعة أن تسنيم بتعشق كلمة اسمها “تاج” , نفسها تقوم الصبح فى يوم وتلاقى عندها 80 تاج مرة واحدة , ولذا فأنا أدعو جميع المدونين والمدونات من جميع أصقاع الأرض بتمرير تاجات لتسنيم وطبعا بمرر التاج ده ليكى يا تسنيم وليا عندك تاج قبل كدة يبقى ليا عندك عدد اتنين تاج لا غير .
ميمو مش فاضية دلوقتى , ومش بتحب التاجات , يبقى بلاش نمرر لميمو
مووووووودى , لا يمكن أنساك ابدا
وطبعا أساسى دينا , عندك امتحانات أنا عارف , بعد الامتحانات ان شاء الله أبقى جاوبى عليه
مممممممممممم
وبالتأكيد صديقى العزيز والغالى ذو النون المصرى
ولازم طبعا أزميرالدا لأنها بتحب التاجات جدااااااااا خيخيخيخخخخخخخخخخخخخخ
وكريم صديقى الحبيب , بص يا كريم , أنا ليا عندك 40 تاج , ده بقة هيكون التاج رقم 41
وندى طبعا , عارف هتقوليلى بحق الاخوة والصداقة .. ماشى ماقولناش حاجة , لو مش عايزة تجاوبى انسيه (العرض ده خاص ب ندى بس يا جماعة )
وطبعا صاحبة المدونة الأكثر انسانية .. انسانة
وسلوى
وطبعا طبعا طبعا أحمد فؤاد
وعيب أوى لو نسيت الأمبراطورية الماعلينية , باشمهندس ماعلينا و مرام – ماااااعلينا اللى بهنيها جدااااااا على ثيمة مدونتها الجديدة , ألف مبروك يا مرام
وعيب أوى أنى أنسى ريمو
أنتوا كلكم أصدقائى وعيب جدااااااااااااااا أنى أنساكم عييييييييييييييييييييييييييييييييييييييب
طبعا فيه لسة أصدقاء عايز أمرر ليهم والله بس فيه منهم اللى بيكرهوا التاجات جداااااااااا (على عكس الناس اللى مررتلهم فوق واللى بيحبوا التاجات جدااااا) وبرضة فيه منهم اللى مش فاضى خااااالص لمدة أربع سنين ونص قدام , وفيه أصدقاء لسة متعرف عليهم جديد ومش عايز أخسرهم , أقصدى مش عايز أبعتلهم دلوقتى تاجات , وفيه أصدقاء بيعتبروا التاجات هرتلة فكرية , ولوثة دماغية , وهوسة جماعية ؛ فأصدقائى دول مش هممرر ليهم لغاية ما يغيروا رأيهم .
المهم بالهنا والشفا يا جماعة , وأى خدمة يا ايبتاف , نشرت التاج اهوه , أى خدعة
اه , التدوينة الجاية امتى ؟؟ , أعتقد أن دى أخر تدوينة ليا وخصوصا أن شايف ضرب الطوب بدأ يشتغل .. أدعولى أعرف أجى هنا تانى وخصوصا أن محطات الأرسال بتتضرب دلوقتى ……… وأرى الأن الطائرات تحلق فوق المدينة
سلاااا…………
………………..
وشششششش
وشششششش
تحديث : أحمد فؤاد اعترف أنه هو اللى رمى الطوبة
تحديث : همرر التاج ده برضة ل جوسى و سها
تحديث : همرر التاج ده برضة ل فاطمة
تحديث : همرر التاج ده برضة ل أحمد العيسوى
عارف رغم انى بحس ان التاج ده عامل زى الواجب المدرسى
)))
))))
إلا انى بحبه منك فعلا
بيبقى ليه طعم تانى كده
على فكره صحيح
سانشيرو البطل المغوار يتحدى ليل ونهار,أحب العلم فتعلم وأخترع دميته جومارو وراح يسعى ليل نهار من أجل الخير ولفعل الخير,هلا يا هلا بسانشيرو البطل المغوار ,تعالو تعالو نشاهده هيا يا صغار
…..
أى خدمه اصلى كنت متابعه برده
كل تاج وانت طيب
REEMO
الله على كلامك الجميل يا ريمو
هو لا واجب مدرسى ولا حاجة ,
الفكرة منين ما يجليك مزاج تجاوبى عليه
وكد مش هيبقى واجب خالص
أنا بعشق سانشيرو ده جداااااااااااااااااا , وفاكر حلقة لما جامارو هيبوظ وسانشيرو هيدفنه وهو بيعيط بس هيطلعه تانى ويصلحه
وانتى بالصحة والسلامة
)
صباح الخير يا احمد
و كمان ا لينكات على الكرتونوس…مرسي جدا
انا جمنزر معرفوش و لا الجزيرة…ممكن عشاان السن مكنتش اتابع. او علشان الزهايمر ….لكن الثانيين اه…حتى كنا كلما ينزل كرتون او مسلسل يعمل مشكلة لطفل عند نفس صفاتو …. في المدرسة كان واحد كل الناس بتناديه نيلز.و كان في كمان سنان و سنبل و جحا.و ….و …و ….الناس دي كبرت و الاسماء دي لازقة فيها.وبعين نقول براءة اطفال
بالنسبة لسنشيرو انا غنيت زي ريمو مع اني مكنتش فاكرة الكرتون قوي …لكن بمجرد مالفيديو اشتغل افتكرت الاغنية لكن اذا كانت ذكرياتي صحيحة و انت عارف كمان الزهايمر
احنا كاطفال كنا بنادي الكرتون جومارو …ممكن جمارو اثر فينا اكثر من صاحبو سنشيرو
شايف الحوار الثقافي
ما انا بقولك احب اجي هنا
بالنسبة للتمرير …مرسي على الملاحظة يا احمد….
سلااام و دايما خليك مبسوط و بتبسطنا
لو سمحت والله .. الباشمهندس أحمد موجود
حضرتك الباشمهنددس احمد
ياريت حضرتك تتفضل معانا .. مشوار صغير كده وترجع على طول .. مفيش داعي للمقاومة .. المدونة كلها متحاصرة …
ههههههههههههههههههههههههههههههه
اجابتك جميله وتفطس من الضحك
عندى ليك عنوان دكتور كويس اوى علشان التعاوير اللى اكيد هتشوه وشك هو دكتور تجميل ابئا ادعيلى بئا
سلاااااااااااااااااااااااام
وصار يعمل ليل نهار ..
من أجل الخير ..
ولفعل الخير ..
ويحارب الأشرار
هلا يا هلا بسانشيرو البطل المغوار
.. تعالو تعالو نشاهده هيا يا صغار
بطل مغوار
أحببناه
كبارا وصغار
جامد التااج دا على فكرة
و انا من مكانى هنا احييى د؟ احمد زوردياك
ميجيبها الا دكاترتها ههههههههه
. مازنجر
6. جرانديزر والتتر بتاعه بصوت سامى كلارك الساحر
7. كابتن ماجد
احنا كدا على خط وااااحد
بدل فيها كابتن مااجد يبقى التاج ان شاء الله فى اول فرصة هيتجاوب عليه
على فكرة مواصفات فتاة احلامك رائعة الكلمات كلها وهمية
و سلامى لكوكو
يعنى أنا اعمل ايه دلوقتى
لما الطوب مبيأثرش
أجيب قنابل وافرتك بيها المدونة
ولا اجيب تربة حشيش وادفنها تحت العتبة وابلغ عنك
أنا بستدعى كل الشر اللى جوايا دلوقتى علشان افكر فى وسيلة تعذيب ومش لاقى
عارف لييه
علشان انا غلباااااااااااان
أنا هبلغ فيك شرطة التموين .., واقول ان انت بتقدملنا كبدة بايظة وغير صالحة للاستهلاك الادمى
يعنى رايح امبارح لاسراء لقيتها ممررالى التاج ده
عملت فيها عبدو عبيط وانى جاوبته
بس اكيد هيا هتكتشف الخدعة
ماشى يا احمد
ماااااااااااااااشى
ربنا مبيحبش الظلم
مااااااااااااااااااشى
هههههههههههه
تعرف
انا بموت فى كعبول وعبقرينو
وبموت فى الكابتن ماجد
وبموت فى جريندايزر
انا عندى الاغنية الاصلية بتاعة جريندايزر مش اللى غناها سامى كلارك
وبجد بجد تحفة
هنزلهالكو فى مرة
أقول ايه بس يا سيدى
يللا
احنا اصحاب برضه
والطيب احسن
انا كنت مأجر شوية عيال ومعاهم طوب كانو هيزفوك ويدشدشو المدونة
بس قلت الطيب احسن برضه
هخلى فيلم امير الانتقام ده لمرة تانية
تشكر يا ابو حميد
أهم شىء البرمجة
انك تبرمج الناس على حاجة دة شىء جميل جداً
اجاباتك حلوة اوى على فكرة ايها المبرمج
ومتشكرة اوى انك افتكرتنى ومابعتش التاج
ربنا يخليك لأنى بجد باتعب اوى جدا خالص
تحياتى الى احمد فؤاد
ايه يابو حميد حكاية التاجات معاك
انت بقيت تخصص تاجات يا مان
حلوة حكاية الدود في العمود
شعورك لما بتشوف ظابط شرطة؟
اااااااااااااااااااااااااه من نشر الدووووووود فى بطن العموووووووود , حىىىىىى
الجمله دي عجبتنى جدااا
احمد انت ليك عندى تاج انا فكراه كويس واحمد مع نفسه ليه عندى كمان تاج
عارفه انه حمض ويمكن يكون مات بس انا حصحيه
بعد الامتحانات علشان بس اعرف امخمخ فيه
حسيت بحاجه ناقصه لما قرات التاج وملقيتش عندى
i tagged u
ايه رأيك بقااا حجاوبه
هه بس
تحياتى
a7la 7aga enek mosh ba3tly el tag
la2ny ana ely ba3tah LOOOOOOOOOOL
I loved many of your answers
my cartoon ezay nesetoh ana
ka3booooooooool
wel part beta3 your life partner
Rabena yekremek insha Allah
best of luck
) and thanks for answering the tag 
عجبيتني اوي اجابة
خط التقاء السماء بالبحر
انك بتحس فيه براحة نفسية
اول مرة فعلا اخد بالي من الحكاية دي
واجاباتك كلها عجبتني
وكمان عن فتاة احلامك حلوة الاجابة دي كمان
سلاماااااااااتي
رقيقة بلا حدود .. بينى وبين قلبها جسر ممدود .. كل يوم قبل أن القاها مفقود .. تراها عينى فى كل موجود .. ويوم لقياها يوم مشهود .. يفيض قلبينا حبا للودود .. اذا سمعت أنغام صوتها فأنا مسعود .. تذكرنى أمامى وفى غيابى بكل محمود .. لا ينسى عقلها يوم مورود .. ولا يغفل قلبها عن يوم موعود
الله يا أحمد
حلو اوى التاج دة يا أحمد و احلى منة إجاباتك علية..انا عاجبنى كذا اجابة و اكثر حاجة عاجبانى سؤال اذا صادفت شاب فى الشارع
” شكل لا يغنى عن المضمون”
بجد احييك على الإجابة دى عشان انا بحترم اوى اللى يبص للمضمون و لا يتأثر للغاية بالمظهر..هو صحيح المظهر يسهم بدور فى تكوين رأى عن الشخصية ولكن مش هو كل حاجة
الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , المعتقل منذ حوالي 20 يوماً , ويعاني وضعاً صحياً سيئاً داخل محبسه نظراً لكبر سنه البالغ 80 عاماً , وتتمثل الحملة في نشر البوست الجاهز المتفق عليه بدءاً من يوم الجمعة الموافق 19/5/2007 والنشر سيستمر لمدة اسبوع ( مما يعنى أنه اذا لم يستطيع أحد المدونين النشر يوم الجمعه فهو يستطيع النشر لمدة اسبوع كامل ) , كما تشمل الحملة تثبيت صور شيخ المجاهدين في جميع المدونات المشاركة ( تأخذ الصور حفظ بإسم , أو عبر رابط عنوان رفعها على الانترنت ) , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً …
البوســـت بعنوان
أن تكون أبو الفـتــــــــوح شوشــــة
حملة الإفراج عن شيخ المجـاهدين
في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل … بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة …
أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر … أما لأنك في مصر … فهذا معناه أن تصير نزيل أحد السجون وحبيس أحد المعتقلات …
أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر …فتبلي البلاء الحسن … ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..
أن تكون أبو الفتوح شوشة فهذا معناه أن تعود من فلسطين راضياً عن نفسك … راضياً عن جهادك … راضياً عما فعلته لرفع لواء الذود عن فلسطين … فلا يرضى عنك النظام … لتذوق الويل والتعذيب في السجون المصرية …
أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد … بدون أن تتغير قناعاتك أو تتزعزع ثقتك في نفسك …
أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م … فيهب جميع أبناء دائرتك لإنتخابك … بما فيهم أقباط دائرتك بالكامل …. فتنجح نجاحاً باهراً … ثم يتم حل المجلس لأجل إسكاتك …
أن تكون أبو الفتوح شوشة فهذا معناه أن تتحصن بحب الله و تحظى بحب الناس لك …… لكنك في الوقت نفسه تجد أن النظام يُكن الكره لك … ويعتقلك المرة تلو الأخرى …
أن تكون أبو الفتوح شوشة فهذا معناه ألا يرحموا شيبتك وأنت قد قاربت الثمانين … فيزجوا بك في المعتقلات غير آبهين … ويحولوك لمحاكمة هزلية غير مستنكرين …
أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير … ويضيقوا عليك كل شئ حتى يسجنوك … في الوقت الذي تتمنى أن تنعم فيه براحتك …
أن تكون أبو الفتوح شوشة فهذا معناه جهاد في صغرك … تعذيب في شبابك … بهدلة في كهولتك …
أن تكون أبو الفتوح شوشة فهذا معناه … اننا معك حتى النهاية … نهاية ظلمهم أو نهايتهم …
الروابط :
مدونة انسى تعلن بدء حملة الافراج عن شيخ المجاهدين
http://ensaa.blogspot.com/2007/05/blog-post_17.html
مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html
مجلّة “فلسطين المسلمة” تذيع فقرات من جهاد شيخ المجاهدين
http://www.fm-m.com/2003/aug2003/story24.htm
تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1
عن جهاد شيخ المجاهدين المصريين في فلسطين pdf ملف
http://www.fm-m.com/2003/aug2003/pdf/51.pdf
لمعرفة معلومات متعلقة بحياة شيخ المجاهدين يرجى زيارة مدونة الحرية لأبو الفتوح
http://freeaboalftouh.blogspot.com/
رابط تقرير جريدة الدستور عن شيخ المجاهدين بتاريخ 13/5/2007
http://www2.0zz0.com/2007/05/17/21/81829036.jpg
الله انت بتكتب شعر كمان
عجبني اجابتك عن فتاة احلامك
نداء إلى الأخوة المدونين..
برجاء الرحيل فورا عن هذه المدونة لأنها على وشك الانفجار
هذا وقد قمت بتحذيركم خوفا من إصابة أي ضحايا لا ذنب لهم في هذه العملية الانتقامية
5
4
3
2
1
.
.
.
بووووووووووووووووووووووووووووووووووووووووووووووووووووووووووم
اوعى وشك
أعتذر للضحايا الذين سقطوا من جراء هذا الانفجار
ولكن لكل حرب ضحايا
أحمد مبرمج هل تسمعني
حوّل
ولسه يا فندم البادئ أظلم
تنسيم .. الله يهديكي كان قولتيلي أحضر الحدث المهم ده .. المدونة دي بقت مصدر مهم و خطير للتاجات والطوب المتحذف من هنا وهناك
ايه يا باشمهندس احمد .. كل ده تاج ؟
بس هو يوم لك ويوم عليك .. ابــــــــــشــّر بالخير
ماشي يا عم
هجاوب لك علي التاج
و انا بقرا اجاباتك عليه خفت لتكون نسيتني و موضعتش اسمي ضمن من ارسلت لهم التاج
بس كويس انك افتكرتني بالتاج الكبير جدا ده
لكن ده ممكن يدخل راسي ازاي؟
اصله كبير و اكبر من كل التاجات السابقه
تحياتي
محرمتش وبعت تاااااااااااااااااااااانى
مااااااااااااااااشى مااااااااااااااااااشى
علم واتنفذ خلاص والتاج اتعمل
بس صبرك عليا ياللى فى بالى
إمااااا وريتاااااااااااك .. مابقاش انا الستو هانم
هه
بس
ههههههههههههه
مبسوطه أنا أوي
بجد احساس حلو اني دبستك, حاجه تبسسط يعني (((:
Nada
كيف حالك يا ندى ؟؟
أنا بحب أفلام الكرتون دى جداا بالذات جزيرة الكنز , ده كان حكاية
ههههههههههههه
فيه واحد صاحبى لازق فيه اسم كعبول لغاية النهاردة
هو جومارو كان مشهور بس سانشيرو برضة كان مشهور
بس اية رأيك فى التاج يا ندى
تاج دمااااااااااغ
سلاااااااااام
………….
Eng.ma-3lina
هههههههههههههه
برىء يا بيه .. برىء يا بيه
برىء يا بيه .. برىء يا بيه
على فكرة بقة عايز أقولك على حاجة , المدونة أسوراها مكهربة
………….
رينا
ربنا يعمر بيتك يااااااااارب
ههههههههههههه
ده أنا اتهرييييييييييييييييت طوب وزلط
سلااااااااااااااااااااااااااااااام
………….
Maha
يا سلااااااااام
أجمل سطر فى الاغنية
هلا يا هلا بسانشيرو البطل المغوار
شكراااااااااااااا يا مها
………….
dr ma 3lina
اااااااااااااااااااااااه , أظهروا أظهروا
)
ده مش أحمد زوردياك بس , ده ليه أنصار من جميع الأقطار
ربنا يرحمنى بقة
مممممممممم , شكلك من عشاق كابتن ماجد
أنا كمان بموت فى كابتن ماجد , مع ان الواحد
كان بيتشل عشان ماجد يجيب جون , أو لما يقعدوا ربع
ساعة طايريين فى الهوا ولا أجدع طيارة نفاثة
أحرجتينى بكلامك الجميل عن مواصفات فتاة أحلامى
كوكو بيسلم عليكى وبيقولك عايز شكولاتة
………….
zordeak
أهلا أهلا بالزعيم
أهلا أهلا بزعيم جميعة قاذفى الطوب
مممممممممممممممممم
دلوقتى بتقول أنا غلبان بعد رميت الطوب ده كله
وبعدين ده كله ذنب اسراء
هههههههههههههههههههههههههههههههههههههههههههههههههههههه
رايح تقولها جاوبت على التاج
لأ جديدة الحركة دى
اسراء واضح أنها ماعرفتش الخدعة لغاية دلوقتى
لكن
أنا ممكن أقولها
تدفع كام وما أقولهاش
هههههههههههههههههههههههه
ياريت تنزل أغنية جريندايزر فى مرة كدة
وخد بالك من حاجة , المدونة مكهربة أنا قلتلك اهوه , عشان العيال اللى مأجرهم دول لو اتأذوا هيبقى ذنبهم فى رقبتك
العفو يا صديقى
………….
حلم
كفاية عليا كلامك الحلو ده يا عزيزتى حلم
ممممممممممممممممممم
يعنى برضة انتى من أنصار ومؤيدى أحمد فؤاد
هههههههههههههههههههه
على فكرة أنا كنت عايز أمرر التاج ده ليكى فعلا , بس طبعا أنا بقى عندى خبرة رهييييييييييبة دلوقتى فى موضوع التاجات ده
هههههههههههههههههههههههه
وعرفت أن فيه أصدقاء كتييييييييييييييييييير مش بيحبوا التاجات فعلا , فطبعا فاكرهم وعايز امررلهم لكن بقول بلاش عشان مش
بيحبوا التاجات
سلاااااااام
………….
amr ahmed
هههههههههههههههههههه
تصدق أنى اكتشفت انى بجاوب على تاج كل أسبوعين
ومن ناحية التخصص فمعاك حق فيها تماما , أنا بقيت خبرة فى موضوع التاجات ده
الدود كتر فى العمود يا صديقى
ربنا يرحمنا بقة
………….
فوكيره
السلام على أهل السلام
كيف حالك يا مى ؟؟ وكيف حال امتحاناتك؟؟
الجملة بتاعة الدود دى
اتقالت فى فيلم الكيف
بس الجملة كلها على بعضها حلوة
على فكرة هما تاجين مش تاج واحد
لأنى مررت التاج ده ليكى
ههههههههههههههههههه
أنا قلت فى الأول عندك امتحانات , ده غير التاج القديم لكن عموما أنا مررته ليكى
تحياتى
………….
epitaph
hello hello hello
LOL , tasdaky ana kont 3ayz ab3tlk el tag da
LOOOOOOOOOOOOOOOOOOOOOOOOL
7d ynsa ka3booooooooool , ka3bo and 3abakreno
222222222222meaaaaaaaaaaaan ya RAB
el 3afo ya epy
Rabanna yekremek fe el exams and in your whole life
insha Allah
………….
ريما
لما تبصى كدة للسماء من بعيييييييييييييد وهى بتكلم البحر على
خط طوييييييييييييييييييييييييييييييييييل , تلاقى سكينة وراحة بلا حدود
بيبقى منظر روووووووووووووعة
الله يخليكى يا ريما ياااارب
سلامااااااااااااااااااااتي
………….
دينا
ربنا يكرمك يا دينا
بقولك ايه صحيح
انتى ماخدتيش بالك أنى مررت التاج ده ليكى ؟؟
هههههههههههههههه
………….
FTM
ربنا يكرمك يااااااااااارب , أنا فرحان اوى بكلامك دة
الشكل مهم لكن المضمون هو المطلوب
………….
صاحب البوابة
ربنا يفك أسره
………….
حازم خالد
ولا شعر ولا حاجة .. دة أنا بس كنت مبسوط شوية
شكراااااا على اعجابك بالكلمات دى
………….
تسنيم
لا اله الا الله
بقة أختى تسنيم اللى تعمل كدة فى مدونتى
وتخليها أشلاء كدة
والشظايا فى كل حتة
والجرحى فى كل مكان
هدون أنا فيين دلوقتى
والمدونين اللى اتعوروا دول مش حرام
………….
سلوى
تسنيم مصممة على الانتقام يا سلوى
وربنا يرحمنى بقة من الجموع اللى بترمى الطوب
ههههههههههههههههههه
………….
ذو النون المصري
يا صديقى العزيز لا يمكن أنساك
مممممممممممممم
هو تاج دسم شوية بس اجاباتك عليه هتبقى رائعة كالعادة يا صديقى
وأنا متأكد من كدة
تحياتى
………….
إنـســانة
هههههههههههههههههه
اه محرمتش ومش هحرم حتى لو المدونة بقت أنقااااااااض
وورينى بقة هتعملى اية يا ستو هانم
وخصوصا أن كاميكاز محبوس دلوقتى
فى قبو المدونة ومش هفرج عنه
………….
esraa
هههههههههههههه
لية بقى تبسط يا اسراء
40 تااااااااااااااااااااااج؟؟
خلاص .. إحنا نصفى القديم طبقا لقانون الضرايب الجديد .. ونفتح صفحة جديدة
قريب جدا هاجوبك على التاج بإذن الله
——————————–
رقيقة بلا حدود .. بينى وبين قلبها جسر ممدود .. كل يوم قبل أن القاها مفقود .. تراها عينى فى كل موجود .. ويوم لقياها يوم مشهود .. يفيض قلبينا حبا للودود .. اذا سمعت أنغام صوتها فأنا مسعود .. تذكرنى أمامى وفى غيابى بكل محمود .. لا ينسى عقلها يوم مورود .. ولا يغفل قلبها عن يوم موعود
أوتار الليل .. شعر أحمد مبرمج حر
أيه الرومانسية دى كلها يا عم؟؟
تمت إجابة التاج بسلام
كنت داخل أكملك أغنية سانشيرو
وجدت مها أكملته
حقيقي .. التاج عندك له طعم تاني
ياسلام علي اجاباتك يا احمد
ربنا يوفقك يارب
المهم
انته حتغيب ليه فتره؟
ياتري الطوبه جات في الايريال ولا في دماغك
طمني ياراجل
هههههههههههههههههههه
تحياتي ليك وربنا يخليك انك نسيتني المره دي
ووالله التاج بتاعك موجود لو زعلان يعني بس اعذرني بقا مقضيها سفريات
هتقولي ايه
قول
أحمد بيضحك عليا ومحلهومش ولا ايه؟
[...] التاج الاول من الاخ مبرمج حر ، يلا نبدأ [...]
مدونتك ممتعة
لقد قمت بزيارة من أردت إصابتهم بالأسئلة
رائعين ما شاء الله
في حفظ الله
ما شاء الله تاج ممتاز .
و اجابات ظريفه .
كنت بسالك يا سياده المبرمج الحر .
ممكن تمرري التاج دا ليا ؟
good
very good
master moophoor