كنا هنروح فى داهييييية لكن ربنا ستر
May 14th, 2007 by Ahmed Saad El Din
هوجع دماغكم للمرة الألف بحكم وأقوال المشاهير .. طيب بما أن الفترة دى فترة امتحانات عصيبة فالجملة المقتبسة المرة دى لازم تكون ليها علاقة من بعيد أو قريب بالأمتحانات .
نشوف وودى ألن أبو دم خفيف وهو بيتكلم عن مرة غش فيها فى امتحان وازاى غش
“I was thrown out of college for cheating on the metaphysics exam; I looked into the soul of the boy sitting next to me.”
هههههههههههههههههههه
والله الغش دلوقتى بقى ليه تقنيات عالية أوى .. بس فيه سؤال بقى .. لو كنت مزنوق فى سؤال جامد لكن أنت عندك عقيدة أنك مستحييييييييل تغش .. لكن وأنت قاعد فى اللجنة هتموت و تحل السؤال ده , يصادف أن يكون قاعد جبنك على يمينك و يسارك أحد محترفى الغش وقاعدين ينقلوا المعلومات لبعض .. وفجأة تلاقى إجابة السؤال المطلوب داخلة ودنك بدون استئذان .. هتعمل ايييييييييييه؟؟
1. مش هجاوب على السؤال لأن إجابته جاتلى عن طريق الغشاشين وأنا مش غشاش
2. فرصة وجات من غير تعب
3. من البداية هبلغ المراقب أن فيه ثمة غشاشين بجواااااااااااارى
4. هشترك مع الأخوة الغشاشين فى دفع الكرب عننا
5. فيه غش عن غش , بمعنى أن لما أغش عشان أعرف قانون مش فاكره غير لما أغش عشان مش لاقى حاجة اكتبها اصلا
6. إجابة أخرى
مواضيع القوانين ده بالذات كانت أكتر حاجة بتخنقنى فى الكلية , أنك تدخل امتحان بقوانين حافظها وبس .. ولو حصل والقوانين كانت مع ورقة الأسئلة يبقى الامتحان هيبقى من نوع “أبقى قابلنى” , أو ممكن الدكتور يقول مثلا “لو ما افتكرتش القانون أبقى أفرض أى حاجة وكمل حل عادى” وساعتها الامتحان بيبقى من نوع “مين طفى النور” .. أو تبقى الطاااااااااااااااااااااامة الكبرى لو الأمتحان معاه القوانين والمنحنيات والحاجات و المحتاجات لكن من نوع اسمه (لمسة) .. يعنى الدكتور ضايف اللمسة السحرية والنكهة الذكية للأمتحان , وطبعا أنتوا عارفين أكيد يعنى ايه لمسة الدكتور السحرية المضاف إليها النكهة الذكية .
الامتحانات اللى بتبقى من نوع “لمسة” بتيجى على صحة الواحد .. واحد صاحبى بعد ما خلصنا امتحان من نوع “لمسة” , جه يقوم من على الكرسى وقع .. اه يعنى جه يقوم وقع ؛ لأنه ركبه كانت سابت خالص من لمسة الدكتور , وهوووووول الامتحان .. صاحبى الأنتيم تجرأ وسأل دكتور من اللى بيكتبوا امتحان من نوع “لمسة” على حاجة فى الأمتحان , فأجابه الدكتور قائلا “أنت مبرشم يا حمااااااااااااااااااااار” , طبعا تعالت الهمهمات الضاحكة من تحت لتحت فى اللجنة .
بالنسبة للعبد لله , بكره الغش عمى ولو حصل ومالاقتيش حاجة اكتبها (حصلت) مش بكتب حاجة أو مش بحضر الأمتحان من أساسه (حصلت مرة واحدة فى امتحان ميد-تيرم) .. لكن -واه من لكن- فى أخر عشر دقايق فى أخر امتحان فى أخر سنة خاااااااااااااالص فى الكلية كان فيه سؤال عارف أحله لكن المشكلة فى القانون .. القانون طاااااااار من دماغى لأنى ماكنتش مذاكر درسه أوى .. فقلت لنفسى حرام بقة , لازم أعرف القانون بأى طريقة , فسألت اريال الأرسال والاستقبال اللى على يمينى , وهووووووب نقرنى دكتور من بعيد .. فتقدم ناحيتى وبمنتهى ال …… قالى “والاااااااااااااااا , أنت عايز تتطلع بره” .. أنا كنت وصلت لأقصى درجات الخنقة فقلتله بمنتهى البروووووووووووووووووووود “لأ” وبصيت الناحية التانية ولا كأنى بكلمه .. كان عندى أحساس أنها هتبقى ضلمة ومش هاخد لا شهادة ولا نيلة وخصوصا أن الدكتور ده كان من نوع “ولما يلبد تبقى ليلتك كحلى” .. بس الحمد لله , الدكتور مشى فى سلام تام ودى كانت ذكرى المرة الوحيدة اللى حاولت أغش فيها فى الكلية
اه القانون , ما أنا عرفته من الأريال اللى قاعد على يمينى قبل ما الدكتور ينقرنى بعيناه الثاقبتين
المهم , أشوفكم بكرة بقة ان شاء الله مع مفاجأة , حذروا فذروا جايبلكم معايا ايه بكرة , هاه ,تاااااااااااااااااااااااااااااااااااااااااااااااااااااااااااج
المشكلة بقة أن الشيطان بيوذنى أنى أمرر التاج ده ل 80 مدون و …….. مين اللى رمى الطوبة دى ؟؟
بى أس :
عنوان البوست جملة قالها عبد المنعم مدبولى الله يرحمه فى مسرحية ريا وسكينة
البوست دمه خفيف جدا يا احمد
)))
انا عمرى ما فكرت انى اغش كنت دايما بمشى بمبدأ اللى اعرفه اكتبه
ولو معرفش خلاص بدل ما اروح فى داهيه
اصلى بصراحه جبانه وبخاف حد يشوفنى بغش
هى بس مره واحده فى تالته تجاره
كان فى قانون مغلس معايا اوى
ومذاكره الماده كلها كويس جدا
واجى عن القانون ده والدنيا تضلم مش عارفه ليه
فققرت انى اكتبه على البنطلون الجينز
وحصل فعلا وكتبته على البنطلون وانا رايحه الامتحان
طبعا محدش اخد باله لان البنطلون كان ازرق والكتابه بقلم ازرق كمان
بس للاسف القانون ده مجاش فى الامتحان
دى كانت المحاوله الوحيده فى الغش فى حياتى
غير كده كنت دايما فى السليم
وعديت
بوست جميل يا أحمد
تحياتى
ههههههههههههههههههههههههه
يعنى يوم ما تفكر تغش يحصلك كدا
احمد ربنا بئا انها جت على اد كدا
حمد الله على السلامه
تصدق انا مش عارفه انا هتصرف ازاى فى السؤال اللى سألته
بس غالبا هعتمد على نفسى وألف
ما انا كليتى تعتمد على التأليف
ألف تنجح
يا ساتر انت كمان عندك اريال؟؟؟؟؟؟و رادارت؟؟؟
فى اول سنه كنت باغشش بس كان واحد ورايا صعبان عليا
بس بعد كده لو حد حيموت
اللى يحرق الدم ان الاولى عالدفعه كانت بتلقط رزقها فى الامتحانات
قبل كده تعاونت مره و لا اتنين فى رياضه اتنين
قسمنا الامتحان على بعض كان يوم اغبر و كنا سبعه بس فى اللجنه و الحمد لله اتخرجت من اداب
heyyyyyyy good morning
معلش لسه شايفة اسمى بالانجليزى فعشت فى الدور
انا بكره الغش موت و كنت مشهورة فى المدرسة انى مش بغششش و ناس كتير زعلوا منى علشان كدا
تاااااج اييييه يا احمد ارحمنا يرحمك ربنا
آه .. فكرتني بالذي مضى
كنت دايما مش فاهم ليه الدكاترة بيمتحنونا في حفظ القوانين والمعادلات .. كنت بأقول هو إحنا لما هنتخرج ونشتغل .. هنقعد في شغلنا نسمع القوانين وألا هنفتح الكتب والمراجع؟ طبعا الإجابة إنك مش هتسمع حاجة وإنت شغال .. ده غير إنك مش هتحتاج القوانين أصلا إلا إذا كنت هتشتغل في التصميم بس .. وده نسبته ضئيلة جدا
ربنا يهدي القائمين على التعليم
loooooooooooooooooooooooooooooooooooooooooooool
في ثانوية عامة
مدرس العربي ليلة الامتحان
وهو رجل علم و دين يفترض يعني
بيقولي لو اتزنقتي في حاجة ابقي ساعدي العيال بعد ما تخلصي
عشان يوم ما تتزنقي تلاقي اللي يساعدك
وانا خليت نهاره طيييييييييييييييييييييين
ازاااااااااااااااي يقولي اغش و لا اغشش
انت و انت
ظبطه هههههههههههه
تاني يوم الامتحان
قاعدة في اللجنة
كلمة انا مش عارفة الاختيار الصح بتاعها
ازعل نفسيظ ابدا حليتها اي حاجة اتصرفت
شوية واللي ورايا نادت عللي ادامي وادتها معني الكلمة
و سمعتها
و افتكرت انها الكلمة الصح
اغير الكلمة ؟؟ بتاعتي لا
رجعت من الامتحان
فالمدرس بيقولي ان اجابتي غلط
والاجابة الصح كذا
قلت له ببرود: ما اه ما انا عارفة ما واحدة كانت بتقولها للتانية
اتشاااااااال و اتهبد ازاي انا سمعت الكلمة و مش كتبتها
قلت له مالكش دعوي انا عايزة انقص هههههههههههههه
انا كنت معروفة ان العيال لما يموتوا حوليا مالهمش دعوي بيا في الامتحان ههههههههه
ففي امتحان الجيولوحيا
وهو كان علي عهدي بداية عصر الامتحانات المنيلة
كان امتحان غريب يحتوي علي سؤال الاقتصاد
اي و الله
المهم
اللي جنبي
تنااااااااااادي
وانا طبعا و لا اعبرها علي جثتي ان شاء الله ما نا حليت بس برضه
قالت لي :والله ما انا عايزة اغش- انا عارفة انك مش بتغششي
هو سؤال واحد سؤال ثلاثة ده في المنهج اصلا
هههههههههههه
عموما السؤال ماكنش من المنهج فعلا ههههههههه
ربنا يكرمنا بقي
احنا في موسم امتحانات
دعوووووووااااااااااااااتكم
ياااااااااه ع الغش وتفانينه….
انا زمايلى بيكتبوا المنهج على كعب الكوتشى ….
اه والله
واحنا بقى فى ايام امتحانات ..ياما هانشوف تقنيات جديدة…
عارف ..عمرى ما غشيت…حاولت بس ماحصلش..وكنت مبسوطة انه ماحصلش….بس عمرى برضو ما بلغت عن حالة غش قدامى ….
يمكن تكون سلبية ….بس انا كدا….
فى مرة ما احولت اغش دى….كنت كاتبة منهج الدراسات بتاع 2 اعدادى كله فى ورقتين 10*10 سم.اصله كان صعب اوى ..بس ماعرفتش اطلعها …كنت خايفة موووووووووووووت…
وعادى نجحت فى المادة …وعدينا…
موضوع دمه خفيف
احمممم احمم احمممم احممم
مش عايزة افضح نفسي يا احمد لكن انا بكره الغش كمبدأ زيك يعني
و بخاف اغشش لا اروح فيها ..يعني خوف
لكن حكاية القوانين ممكن تكون حصلت ….اصلا ساعات تلاقيها مكتوبة على طاولة الامتحان…… بامانة مش فاكرة
اما السؤال المطروح فغالبا يكون الجواب 5 او 1 على حسب للامانة كمان يعني …افتكرت حاجة كان امتحان الرسم
الخرائطي مشاركة جماعية من السكشن و الا كنا حنروح فيها اصلو كان صعب والوقت ضيق و بعدين كل واحد يرسم لوحدو
و كمان كان عندي صحبتي تدرس علوم اقتصادية و كانت من الاوائل بس عادي يعني
في امتحان الرياضيات كان عندها دايما مشاركة مع واحدة او اكثر من صحباتها كل واحدة تاخذ جزء و الثالثة ممكن للتحقيق من النتائج….هههههههههه ……يعني حاجة غريبة والله…غش منظم من ناس ذكية
يلا ربنا يهدينا و يخلينا دايما متمسكين بالحل رقم 1
بوست جميل يا احمد…و عجبتني الروح المرحة اللي فيه
يا راجل بقي تيجي المره الوحيده اللي تغش فيها تنظبط
احنا بقس معندناش حاجه اسمها غش خالص علشان معظم امتحاناتنا من النوع ابو لمسه open book exam
وكل واحد معاه امتحان غير اللي مع اخوه
يعني لو اتنتطنا مش هانعرف نغش
graet post
ههههههههههههههههه
يادى البوستات اللى هتوديك فى داهية دى
إنت محرمتش؟؟؟
خد بالك المرة دى طوبة ومن مجهول المرة الجاية هتبقى هجوم جماعى من المدونين كلهممممممممممممم
بالنوسبة لما اسمع معلومة انا محتجاها بصراحة حصلتيلى قبل كدة
كان T or F وكنت شاكة فى الإجابة
المهم طلعت من واحدة شاطرة على انها F تقريبا ورشأت فى ودنىىىى
بس ساعتها قلت لأ دى مش من دماغى ومش عارفة ايه وقمت عاملة السؤال T
اما القوانيييييييين فربنا يبشرك بالخييييير عشان العيال عمالين يتحايلوا على الدكتورة تجيبلهم القوانين
وانا من جوايا : ما بلاااااااااااااااااااااااااش
قلبى حاسس والله
وامتحان اللمسة ده مصيييييييييييييييبة
مرة دخلنا امتحان لاقينا اول سؤال تقريبا عايزك تقول المنهج كله
اول اما دخل الدكتور سألناه: يا دكتور السؤال ده عايز ايه بالظبط؟؟؟؟؟؟؟؟؟
قلنا لأ ( يوسف شاهين بيتكم يا نااااااس ) إنت المخرج هنا … السؤال ده إخراجك إنت
إخرجهولى زى ما يعجبك
عااااااااااااااااااا
ربنا يستررررررررررر
دعواتكوا معانا بقااااااا
عذرا إني حطلع عن مسار التعليقات بس
1. إن شاء الله الدور على تاج/وسم حضرتك إني انزله قريب جدا
2. ولحضرتك التاج / الوسم ده
هنــــــا
معلش يا جماعة أن كتبت رد طوييييييييييل لكل واحد فيكم بس عشان كنت مستعجل فنسيت احفظه قبل ما انشره فضاااااااااااااااااااااااع ,
أول مرة أنسى احفظه بس العجلة من شوشو (الشيطان يعنى)
السماح بقة يا أصدقائى الاعزاء
خلاص سامحتونى ؟؟
خلاص سامحتونى , ماشى
ماشى
ههههههههههه
يادى الامتحانات وسنين الامتحانات
يا بنى افتكرلى سيرة حاجة كويسة
افتكرلى فيلم حلو
قعدة لذيذة فى اسكندرية
اى حاجة تنسينى
انما تقولى امتحانات
ونسييت
وغش
عااااااااااااااااااااااااااااااااااااااا
الكلام ده بيعفرتنى
اه بالنسبة للتاج صحيح
انا اللى حدفت الطوبة
وجهزت كوم طوب قد كده علشان ادشدشلك بيه المدونة
يا اخي لازم يعني تفكرنا بالرعب ده المهم انا مره واحده في حياتي مكنتش عارف حاجه خالص كأن كل اللي ذاكرته طار المهم لقيت واحد جنبي عارف اني دايما بحل كويس لوحدي قال يكسب نقطه ويغششني عشان ابقى اغششه المهم اداني كام سؤال وكانو الحمد لله فيهم الشفا سقطت في الماده وسقطت في مادتين كمان وعدت السنه كلها والله يخرب بيت الغش وسنينه بس على فكره لو جت فيك طوبه تأكد اني بريئ عيب هو انا صغير
لو عندك تاجات جديده وخلي بالك من كلمة جديده ابعتهالي هو احنا بنخاف
بس يا ريت الليله
الليله يا عمده
من فيلم بموت فيه
أنا بعتذر عن اليبة الطوييييييييييييييلة دى بسهى كانت علشان ظروف الكلية و الأمتحانات و ما قدرتش أجاوب على last
التاجات علشان كده ما مررتهاش لحد لكن لو ينفع أمررهم لحضرتك عنطريق الكومنت و التاجات هى
last beverage?
last phone call ?
last instant message ?
last cd played ?
last time u cried ?
last text message
Section 2 – Have You Evers
:1. dated someone twice?
hv u evers been cheated on ?
3. kissed someone & regretted it?
lost some one special?
been depressd ?
6. been drunk and threw up?
Section 3 -
List 3 Favorite Colors
Section 4 – This month have you
Made a new friend?
2. Fallen out of love?
3. Laughed until you cried?
4.Met someone who changed your life?
5. Found out who your true friends were?
6. Is there something you want to tell someone?
7. Would you kiss anyone on your top friends?
8. How many people on your top friends
do you know in real life?
9. How many kids do you want to have?
10. Do you have any pets
11. Do you wanna change your name?
12. What did you do for your last birthday?
13. What time did you wake up today?
14.What were you doing at midnight last night?
15. Name something you CANNOT wait for?
16. Last time you saw your father?
17. What is one thing you wish you could
change about your life?
18.What are you listening to right now?
19.Have you ever talked to Tom?
20. Have you ever talked about
someone behind their back?
What’s the last piece of clothing you
borrowed from anyone?
Who’s getting on your nerves right now?
23. Most visited webpage?
24. Coke or Pepsi
25. Mac or PC?
so to whom i will send the tag ??????!
و التاج التانى
What Famous Leader Are You?
و التاج التالت
ماذا استفدت من حمله اعتقال االاخوان الاخيرة و التعديلات الدستورية الأخيرة……..هل استفدت معنويا
كسبت اصدقاء جدد
عرفت حاجات مكنتش عارفها
يعنى حاجات من دى؟؟؟؟؟؟
أنا بعتذر على التأخير
نسألكم الدعاء لينا ياااارب أنجح أنا و أصحابى
و أما عن البوست تبع حضرتك ” الغش ” فده ليه ذكريات كتيييييييرة معايا إن شاء الله أكتب بوست عنه لما أخلص أمتحانات
انا كنت داخله قدرا المدونه اشوف اخر التطورات و ملقيتش جديد بس الصوره بتاعت الموضوع ده لفتت نظرى الى الجزء بتاع الصورة العشوائيه .. دخلت لاقيت الموضوع التحفه ده و التعليقات الاتحف .. و الغريب ان انا كمان كاتبه حاجه من كام يوم عن موقفى من الغش برده .. بس بالنوسبه برده لاسئلتك الدقيقه دى … هو فى الامتحانات مبغشش لانى ببقى عارفه انى لوحدى مسؤوله عن نتيجه اللى بكتبه ..
و كلامك فكرنى بايام فظيعه خاصه امتحان الاساسات ..لما كانوا بقولونا هاتو كل حاجه معاكوا المذكرات و الكتب و الشيتات كله كله ..و ابقو قابلونى برده ..انا كنت بقعد استمتع فى اللجنه بالمناظر الطبيعيه اللى بتحصل قدامى.. من ازبهلال و اقضيها ضحك
و فى الاخر انقل اى مساله من المذكرات و الاجابه بتاعتها و خلاص .. شاطره انا صح .. بس بالعوده بقى للغش زى ما قولتلك فى الامتحانات لا .. لكن شوف فى مواقف انا مش بعتبرها غش و ممكن تختلف معايا بس هقولك على مثال .. انا كان ليا زمايل بياخدو دروس عند معيدين لازم يعرفوهم اساله الامتحان و انا كنت براجع معاهم بس شرح المعيد و فى وسط الشرح كان بيبقى فى اساله بتجيى فى الامتحان – و انا معرفهاش – تفتكر بقى اما اشوف الامتحان فيه الاساله دى هقعد بقى اتلفلس و اقول ده غش و محلش ..لا طبعا .. اولا انا مغشيتش و مخدتش لامجهود حد و لا حتى سعيت و طلبت انى اعرف اساله الامتحان .. وعشان الامانه وعشان متحطش ضميرى فى الميزان ..انا كان ممكن اقرا الاساله دى حتى لو عرفت انها هتجى قبلها .. و انا مقتنعه و ضميرى مرتاح ,,اصل انا مطلبتش الموضوع ده باى شكل ..فلوعده من قدامى هعتبره رزق من ربنا
و ااااااااااااااااا بس كده ..
كشخه
طلعت عليكم سوالف بطاليه
تبون الصج كنت احسبكم شطار وما تعرفون الغش
عبالي حنا اللي مخترعينه
اثره منتشر عندكم بعد هع هع
استمتعت جدا بقراءة الطرح والتعليقات
صج انها قديمه وصار لها سنه بس طرر
وموفقين اخواني
ههههههههههه
الموضوع دمه خفيف جداااااااااااااااا
بالنسبة للسؤال هو الواحد بيكون ناسى بس المدخل للسؤال أو البداية بتاعتوا ،، لكن مش السؤال كله يعنى ،، بيكون عايز حد يفكره بس
هو فى الجامعة كانت العقول نضجت شوية يعنى تذاكر كويس – إكتب إلى تعرفه كله – وإلى مش عارفه ألف كلام أقرب إلى الصواب إذا مفتكرتش
لكن بأمانة إذا وقفت فى سؤال ،، ومن غير ما تسأل حد ،، إلى جنبك قالك فيه حاجة واقفة معاك ،، هتقوله لأ كله تمام ،، وإنت محتاس فى سؤال ؟؟
أكيد هتقوله عالسؤال أو حتى تخليه يقولك على العناصر أو المدخل
لكن غير كده الواحد بيدخل مذاكر ومعتمد على الله ثم مذاكرته بس
أنا مش مع الغش ولا إلى بيغشوا ،، إذا حد طلب منى حاجة بأقوله ولو هياخد من وقتى
بالنسبة للمدونه شكلها جميل ،، دخلتها بالصدفة الباحته
إستمر ……