مبرمج حر

وقد رأى الكثير من المثقفين العرب في حالة الانتظار هذه التي تجسدها المسرحية حالة العرب، والعبثية والقلق الذي يحيونه في الانتظار، بحيث يصبح الانتظار مهمة بدلاً دون العمل للوصول إلى نتيجة، بل البحث عن أي شيء يقطع الوقت. وقت الانتظار. انتظار ماذا؟ لا نعلم … فلماذا لا يكون أيضاً غودو؟

العرب … في انتظار غودو؟

Some things have to be believed to be seen

Ralph Hodgson, author and poet

نجاحه كان فى رؤيته للمستقبل .. كأن معاه بلورة سحرية بيشوف بيها كان المستقبل من الأول خالص لما اتفق مع (إي بي إم) انه يرخص لهم الدوس ويحتفظ بملكيته وانه يقدر يبيعه لشركات تانية غيرها ودي كانت لبنة الامبراطورية والثروة الضخمة المهولة لغاية اليوم اللي تخلي فيه عن عمله الرسمي من الجمعة اللي فاتت ومكتفيا بالرئاسة الشرفية .

انه بيل جيتس

قريت ان د.نبيل فاروق هيبطل يكتب فى رجل المستحيل تاني نتيجة ضغوط أمنية مخابراتية عتيدة .. بس انا مش مصدق دة لأنه على أي حال حتي من غير ضغوط لازم رجل المستحيل توقف هي وملف المستقبل كمان .. كفاية عليهم أوي كدة .. كل الروايات من 5 سنين ومستواها فى النازل .. والافكار مُكررة بدرجة مملة .. يعني مثلا فى ملف المستقبل .. فيه فكرة ان عالم مجنون أو كيان ما بيقدر يسيطر على عقول البشر وبيتولي نور الدين محمود مهمة التخلص منه .. الفكرة دي استخدمها د.نبيل فاروق من بداية السلسلة أصلا لدرجة انها ممكن تاخد نسبة مئوية كبيرة من بين بقية افكار الخيال العلمي القائمة عليها بقية روايات السلسلة .. لكن اللي حصل ان بعد العدد 100 وبالتحديد بعد أجزاء (د.هاشم صدقي) الروعة , بدأت معظم الروايات بعدها تستخدم الفكرة دي كأن مفيش غيرها وبنفس التكرار .. وحتي (س - 18) اللي كان بيُتعبر فاكهة وفرحة السلسلة بالنسبة للقُراء كانت روايته المنفصلة فى سلسلة الاعداد الخاصة طامة الكبري بالنسبة ليا .. أنا بحب (س - 18) بجنون فكان من الطبيعي اني اقرأ رواية بأسمه هو لوحده .. لكن مفيش تجديد خاااااااااااالص .. حتي نفس الجُمل بتتكرر “(س - 18) قصة آلي , صنعته حضارة قديمة , منذ ملايين السنين لينقذ الأرض فى حاضرها ومستقبلها” .. الرواية دي كانت هتخليني اكره (س - 18) .. ازاي رواية منفصلة وكاملة ل (س - 18) تبقي بالمستوي دة .. (س - 18) اللي كان كل محبي السلسلة بيضحكوا ويفرحوا بمرح طفولي أول ما يشوفوا طلته فى السطور وأول ما يسمعوا العبارة الوحيدة اللي بيعرف يقولها .. ويصرخوا مع نور وينهاروا بإنهياره وهو بينادي عليه فى (ضد الزمن) وبيقوله “أين أنت يا (س - 18) ؟؟ .. انني احتاج إليك” عشان ينقذ بنته نشوي قبل ما تموت وهو مش عارف يعمل ايه بعد ما جرب كل الطرق الممكنة .

طبعا عن أدهم صبري حدّث ولاحرج .. لازم يكون فيه غامض أو غامضة .. من عشر سنين كانت السينورا .. والناس كانت هتموت وتعرف مين السينورا .. ود.نبيل فاروق كان بيسيب ملامح بسيطة كدة تدل علي شخصيتها زي مثلا انها بتتكلم اللغة الفرنسية بمنتهي منتهي الطلاقة .. أوك , مفيش غيرها “كلوديا موريس” .. احدي أعضاء (ملائكة الجحيم) .. خلصنا من كلوديا وماتت واتحرقت كمان .. يطلعلنا بالتزامن معاها (مستر X ) .. خمنت انه مارسيل بيكر (احد أعضاء ملائكة الجحيم برضة) .. لأنه هو الرجل الوحيد اللي باقي ومامتش فى تاريخ أدهم صبري وفي نفس الوقت اتسجن .. وسنيييين مستني اعرف مين (مستر اكس الذي لايعرفه أحد) دة .. ومفيش فايدة .. الموضوع طال لدرجة مملة .. شوية كمان وطلعت “غامضة” تانية .. تقريبا كنت فاكر انها أخت الاخوين زعماء المافيا الروسية لكن طلعت سونيا جراهام طبعا فى الاخر .. وايه التكرار دة .. وايه مشكلة ابنه دي اللي مش عايزة تتحل دي .. ايه المشاكل دي كلها مش عايزة تتحل دي من 15 سنة من أيام (جزيرة الجحيم).. هي حبكة وتشويق لكن الموضوع طول اوي .. حتي فى الرواية اللي قبل الاخيرة (المواجهة) .. هيتقبض علي سونيا جراهام فى الاخر وادهم هيسألها على استحياء قبل ما يتقبض عليها ويقولها “ابني فييين يا سووونيا” .. بمنتهي الهدوء ومجرد سؤال واحد !! .. ما تضربها علقة محترمة تخليها تقولك ابنك فين خلينا نخلص .. لكن لازم تتساب كدة .. وسونيا فى الاخر بتقوله “اللعبة لم تنتهي بعد يا أدهم” .. يا صبر أيوب .. هو لسة فيه لعب تاني!!

واخر رواية .. المدرب .. انا ماقريتهاش كاملة .. قريتها بسرعة كدة وشوفت اسم (دونا كارولينا) .. تاااااااااني (دونا كارولينا) .. تاني ايه !! .. قول عاااشر .. ما ترسيلك على حل يا دونا , انتِ بتحبي ادهم والا بتكرهيه .

اعترف ان الحبكة والتشويق والمفاجأت المعتادة لسة موجودة فى رجل المستحيل ولغاية العدد الاخير .. لكن كان لازم رجل المستحيل وملف المستقبل يخلصوا من زمان .. من 4 سنين مثلا ويقفوا عند العدد 150 .. جزء من ابداع الفنان هو ابداع صياغة النهاية .. انه يعرف امتي وازاي يقول ستوب عشان يفضل حي فى قلوب معجبيه لكن كدة ابداع كل السنين اللي فاتت وخصوصا الاعداد الرائعة ما قبل العدد 100 فى السلسلتين بيتشوه .

We are told that talent creates its opportunities. But it sometimes seems that intense desire creates not only its own opportunities, but its own talents

Eric Hoffer, author and philosopher

فى عيد الربيع يحلو اللهو ويطيب . وقفنا جماعة من التلاميذ فى بهو المحطة بالبنطلونات القصيرة . وبيد كل منا سلة من القش الملون مملوءة بما قسم من طعام . وكان علينا أن تختار بين رحلتين وقطارين . قطار يذهب إلي القناطر الخيرية . وآخر يمضي إلي جهة مجهولة يسمي بقطار المفاجآت .

قال أحدنا :

-القناطر جميلة ومضمونة .

فقال آخر :

-المغامرة مع المجهول أمتع .

ولم نتفق على رأي واحد .

ذهبت كثرة إلي قطار القناطر ,

وقلة جرت وراء المجهول .

قطار المفاجآت - أصداء السيرة الذاتية – نجيب محفوظ

فاكرين ألانا ؟! .. المسلسل دة بجزءيه كنت بحبه جداً .

The Girl From Tomorrow

The Girl From Tomorrow 2 - Tomorrow’s End

ألانا .. فتاة من القرن ال 31 هيخطفها مجرم من القرن ال 26 وهيهرب بيها على القرن العشرين .. في الجزء الأول هتحارب المجرم دة عشان ترجع تاني لعصرها .. وفي الجزء التاني لما ترجع , هتلاقي عصرها خراب .. فهترجع تاني للقرن ال 26 عشان تشوف ايه المصيبة اللي حصلت واللي سببت الخراب فى سنة 3000

أنتوا ماتعرفوش أنا كنت بحب المسلسل دة أد ايه .. بس أنا مش شايفوه دلوقتي بنفس النظرة اللي كنت شايفوه بيها زمان .. قبل كدة كنت مهتم بالشخصيات , والدراما المشوقة , والزعل علي ألانا وأصدقائها , والحنق من المجرم سارق ألة الزمن .. دلوقتي بقيت مهتم بتفاصيل التفاصيل وانا بتفرج عليه .. وفيه نظرة اندهاش كبيرة فى عيني لأني شايفوه بسيط جدا مش زي ما كنت شايفوه قبل كدة .

كفاية فذلكة كدة , واستمتعوا بتذكر المسلسل فى الفيديوهات

تدوين == مدونة + التعليقات

مدونة == حياة

التعليقات == تعليقات + تعليقات جيدة + تعليقات رخمة

تعليقات = تواصل + تكوين صداقات تدوينية

تعليقات جيدة == مصدر للتعلم + مصدر للرد الحكييييييييييم “والمفعم بالذوق” على المدون + مصدر لتبادل الخبرات + مصدر لاثراء التدوينات + مصدر لتدريب النفس على الحوار + مصدر للتواصل الجيد + (ضف ما شئت من فوائد التعليقات الجيدة)

تعليقات رخمة == طفيليات أو براغيث تدوينية أو بكتيريا تخشي الضوء وفي حقيقتها غير ضارة وغير مؤثرة وإن بدا غير ذلك

تعليقات رخمة == ذوق منعدم أو وصاية فكرية أو مزايدات فاضية

تعليقات رخمة == قىء فكرى مقرف - لأن فيه قىء فكرى مش مقرف – ومُطعّم ببذاءات ومبني على نظرية “مش عارف بس هو لازم تتشم وخلاص”

تعليقات رخمة == 0.000000001

التعليقات == تعليقات + تعليقات جيدة + 0.000000001

وبما أن :

تدوين == مدونة + التعليقات

اذن :

تدوين == حياة + تعليقات + تعليقات جيدة + 0.000000001

ولكن (0.000000001) كم مُهمل لا يستحق الذكر

اذن :

تدوين == حياة + تعليقات + تعليقات جيدة + “كم مهمل لا يستحق الذكر”

تدوين == حياة + تعليقات + تعليقات جيدة

.

.

التعليقات الرخمة والمحتوي الرخم ليسوا من التدوين فى شىء ولايستحقوا مجرد الذكر

………………………………………………………..

في تحليل التعليق الرخم :

اعذروني .. هلبس قبعة الخبير وهحاول أحلل سبب التعليق الرخم وشخص المُعلق الرخم :

1.التدوينة مستفزة .. ومستفزة يعني حركت شئ فى نفس القارئ .. سواء ايجابي أو سلبي لكن عند صاحب التعليق الرخم أثارت فقط شعور سلبي دفعه دفعاً لسطر تعليقه القميء

2.التدوينة صادمة .. مالوش حق برضة يعلق تعليق رخم .. ببساطة فيه زر فوق اسمه (Close Tab) وفي حاجة اسمها (Unsubscribe) فى الريدير ….. احنا ممكن نختلف على تعريف كلمة صادمة .. بس ممكن نقول انها استفزت عدد كبير من اللي قروها سواء بأسلوب الطرح أو الموضوع المطروح نفسه .

3.المدون مشهور .. يعني كونه مدون مشهور ومحترم وعنده فكر فدة كان سبب كافي لاستفزاز واستنفار غُدة الرخامة لإطلاق هرمون الرخموكسين من مؤخرة رأس صاحب التعليق الرخم فى الدم مباشرة ….. يعني سبب التعليق الرخم ان الأول مشهور ومحترم وحكيم وصاحب فكر .. وبالتالي يا أعزائي دة معناه أن التعليق الرخم وما استتبعه من أعمال رخمة شهادة للمدون اللي اتكتب عنده مش شهادة عليه .

وأخيرا معذرة اذا كانت التدوينة دي أثارت حفيظتك أو ضايقتك .. لكن اذا دة حصل فالحل بسيط جدا .. فيه زر فوق اسمه (Close Tab) ….. ولو بتسخدم ريدير , افتحه والغي مدونتي من حسابك لو كنت ضايفني فيه .. وبكدة يا عزيزي هترتاح للأبد من كلماتي المتواضعة اللي بتُثير حفيظتك .

testing

testing

testing

testing

أتعرفين

الفرصة مثل الجولة السياحية بفرنسا .. تنتظرين وقتا طويلا لحدوثها ثم إذا أتت , مرت مسرعة

.

.

عندما يأتى الوقت الصحيح , فعليك أن تقفزين من فوق السياج بلا تردد

……………………………………

عظامك لم تصنع من الزجاج .. يمكنكِ أن تستمتعين بالحياة ..ولكن لو انكِ تركتِ هذه الفرصة تمر .. ففي النهاية سيصبح قلبك …

.

.

جاف و هش مثل هيكلي العظمي

Le Fabuleux Destin d’Amélie Poulain

نوم القيلولة عجيب .. نادرا لما بنام ما بين الظهر والعصر .. يمكن مرة فى السنة بس مفيش مرة دة حصل إلا وقمت وانا فى أقصي طاقتي .. مش مجرد اني بقوم فايق لكن بقوم سعيد كمان .. نص ساعة أو ساعة بالكتير ومش لازم بيكونوا نوم نوم بس بتحس أنك نمت دهور بدون ازعاج أو قلق .. طبعا دة على عكس نوم ما بعد العصر اللي بيطبق على مراوح القلب وبيبقي مليان كوابيس .

………………………………….

فيه عامل بناء شوفته امبارح وصعب عليا أوي .. معاه دبلوم .. وعنده 40 سنة .. طلق مراته وعنده بنت .. جاتله جلطة من كام سنة وتعافي منها بس أثرت على عقله نوعا ما وعلى لسانه .. هو لسة بصحته ويقدر يشتغل كويس لكن بسبب الجلطة أصبح فهمه واستيعابه ضعيف .. ولما بيتكلم , الكلام بيطلع مشوه إلي حد ما بطريقة تقطع القلب .

………………………………….

عيني بتوجعني اليومين دول .. مش بتوجعني .. بس لازم اضيقهم شوية لما اجي ابص لحاجة قريبة .. يبدو يا أعزائى أنه لا مناص من ارتداء النظارة الطبية .. فييييييييين أيااااااااام ما كانت زرقاء اليمامة نفسها بتغير مني .. اللعنة على أشعة الحواسيب .

………………………………….

دكتور كان بيقول للطلبة : “حاولوا تفهموا .. طظ في الامتحان .. الامتحان دة ولاحاجة بس حاولوا تفهموا ومالكمش دعوة بالامتحان . يا ابني انت وهو , الناس لما بتيجي تعمل حاجة بيبقوا نوعين .. واحد يدور على الحاجة دي اتعملت ازاي ويعمل زيها بالظبط , وواحد يمسك الحاجة دي ويفكر يدخلها منين .. افهمووواااااااااااااا هتنجحوا.”

.

.

.

دكتور غير تقليدي .. نادر لما تلاقيه فى جامعاتنا العريقة .. كان كبير فى السن نسبيا بس روحه روح شاب مغامر بيتنفس حب الحياة .

………………………………….

اختار من بين الاقواس : التعليم في مصر , ……..؟!

(1.هههههههههههه 2. خيخيخيخخخخخخخخ 3. هيهيهيهيهيهي 4. هو فيه تعليم في مصر!! )

………………………………….

شعور رائع .. لايوصف , لما تقعد شهور تقرأ فى كتاب وتخلصه فى الاخر وتطوي اخر صفحة فيه .. الكتاب ماقعدش شهور عشان هو كبير أوي لاسمح الله بس عشان انت كسلان شوية .

………………………………….

“هل تشعر بلذة الهرب ! .. أن تلقي بأعبائك وأعضائك وتحلق ؟ .. إنني أقترب من سر الكون .. إن الحقيقة الوحيدة هي الإله الذى أوجد كل هذا الجمال .. ونحن جزء من كل هذا الوجود الذى لايُصدق ..

نحن مجرد نمل يحيا فوق برتقالة فاسدة نتصارع ونحقد .. بينما الكون يردد لحنه الأعظم فلانصغي .”

صـ 54 “أسطورة أرض أخرى” .

اللي بيحب ماوراء الطبيعة عارف طبعا سالم وسلمي .. انا بحس أن أعداد سالم وسلمي خط لوحدهم فى السلسلة كلها .. خط رقيق منفصل عن أجواء السلسلة المعتادة .. بحس أنها تاريخ وحاضر ومستقبل ممزوج بوجهة نظر د.أحمد خالد توفيق .. أو يمكن رغبة حقيقة منه فى عمل ابداع مختلف فعلا .. طبعا ناهيك عن أن رحلة سالم وسلمي فى (أرض العظايا) قادرة علي انتزاع الدموع من عينيك انتزاعا .. أسطورة (أرض أخري) هي العدد 8 من ماوراء الطبيعة وأول رواية ظهر فيها سالم وسلمي من 12 سنة يمكن .

.

.

ومين اللي مايحبش أحمد خالد توفيق؟!

………………………………….

دة فيديو فيه خطاب قديم من 3 سنين كان قاله (ستيف جوبز) فى حفلة التخرج فى جامعة ستانفورد

هيبدأ الخطاب وهو بيعبر عن فرحته بالقاءه للخطاب .. وأنه عمره ما اتخرج من جامعة وهيحكيلهم 3 قصص صغيرة متعلقة بحياته .. هيتكلم عن اصابته بالسرطان وشفاءه منه .. هيتكلم عن تأسيسه لشركة (أبل) وفصله منها مع أنه هو اللي أسسها وتأسيسه بعد كدة لشركتي نيكست وبيكسر ورجوعه بعد كدة لأبل تاني وانه بيعتبر فصله من شركته اللي أسسها من أهم وأفضل الحاجات اللي حصلت فى حياته .

أول قصة عن ربط النقاط أو النهايات والاحداث ببعض .. وتاني قصة عن الحب والخسارة واخر قصة عن الموت .. في كل قصة فيهم هيقول جملة أو اتنين مؤثرين بحق .. الجملة اللي عجبتني في قصة الموت :

Remembering that you are going to die is the best way I know to avoid the trap of thinking you have something to lose

وفي قصة الحب هيقول :

You’ve got to find what you love. And that is as true for your work as it is for your lovers. Your work is going to fill a large part of your life, and the only way to be truly satisfied is to do what you believe is great work. And the only way to do great work is to love what you do. If you haven’t found it yet, keep looking. Don’t settle. As with all matters of the heart, you’ll know when you find it. And, like any great relationship, it just gets better and better as the years roll on. So keep looking until you find it. Don’t settle.

ودة نص الخطاب كامل

………………………………….

واخيرا بقة شوفوا الحنية اللي فى القسورة الطيب دة !! .. فى الأول كنت متصور أن الأسد هيعمل حركة غدر ويموت الحارس بخبطة واحدة وخصوصا اني ماشفتش عنوان الكليب .. وكنت متحفز أني أودي وشي بعيد لو حسيت أنه هيعمل كدة (جيجسو موضوع تاني ) .. بس سبحان الله على حنية الدنيا كلها فى قلب أسد .

مش عارف أقولك ايه بصراحة .. بس معني أنك وصلت للسطر دة أنك تستحق علبة شيكولاتة بحالها .

سلام مؤقت

الصناعة مجهود فى التهليب ببراعة

أنا بنصُب فى البورصة من وانا عندي 15 سنة .

مفيش تكنولوبيا مفيش بكرة احنا بنهجص كدة .

قرار صعب جدا أني افكر اروح اشتغل فى مكان تاني هات ودنك “خصوصا مع أسعار الحديد الجديدة

بشتغل فى أيام عز .. بشتغل فى أيام عز .. فى أيام عز .. فى أيام عز .. فى أيام عز .. فى أيام عز .. فى أيام عز .. فى أيام عز .

—————————————

س : ماذا يمثل الرقم 7800 فى حياتك ؟؟

ج : سعر طن الحديد فى الايام دى .

يعني لما نفتكر شهر مارس اللي فات لما كان بيتمختر ويمشي الهويني فى الطريق للوصول ل 6000 جنيه , هنقول يااااااااااه دي كانت أيام عزززززز .

.

.

أيااام عزززززز

من حوالي اسبوعين شفت فيلم مش فاكر اسمه بيتكلم عن ركاب فى طائرة هتقع بيهم فى صحراء قاحلة .. لما وقعوا أصبح بينهم وبين الموت أيام .. الطيار كان راجل صلب كالصخر وواقعي لدرجة كبيرة .. هتدور بينه وبين أحد الركاب مناقشة .. هيختلفوا فيها هما الاتنين على أهمية الأمل .. الطيار عنده انه يعيش الواقع أفضل أنه يعيش على أمل كاذب .. فى المقابل الشخص التاني كان عنده انه يعيش على أمل يخليه يكمل الوقت اللي باقيله أفضل ؛ وعشان كدة هيحاول يقنع الطيار بأنهم يعملوا طائرة هما وكل الركاب ( معلش عديها دي ) .. الطيار ماكنش مقتنع وقاله ازاى اديهم أمل وهما هيموتوا بعد أيام .. هيرد عليه ويقوله أن الواحد فى الدنيا يإما يلاقي اللي يحبه بجد أو يلاقي حاجة يحب يعملها أو يلاقي حاجة يعملها وخلاص عشان يعرف يكمل للأخر .. الطيار هيقتنع على مضض وبمساعدة مصمم طائرات كان معاهم فى الطائرة القديمة وبمساعدة “كل الركاب” هيعملوا الطائرة الجديدة بعد ما يشوفوا أهوااااااااااال بس فى الاخر

.

.

.

هيطيروا

سمعت وقريت امبارح عن القرارات الحكيمة الساعة عشرة إلا عشرة بالليل .. عارف حالة الذهول .. عارف لما تلاقي نفسك اتكهربت ومش مصدق انك اتكهربت …

معقولة الاستخفاف بشعب كاااااااامل يوصل للدرجة دى .. أوك , احنا متفقين ان الاستخفاف وصل لمراحل متقدمة لكن دى درجة غير مسبوقة من الاستخفاف بشعب كامل .. عارف لو مكانش فيه علاوة ولا كل الهيصة والنفخ والتطبيل دة , والاسعار زادت كان الحنق هيبقي أقل ولو بنسبة صغيرة .. لكن عشان تبقى مريض وبتموت واديك حقنة ماية وبعدها ارزعك على قفاك وانا بقولك كمان هات تمن الحقنة , اهو دة اللي مش ممكن أبدا …

اعزائى , أن ايام باهرة تنتظرنا جميعا

فاكر جوجل نوت بوك والفكرة اللي فيها أنك ممكن تختار أى فقرة من أى محتوي بتقراه على الويب وتحفظه فى حسابك فى (جوجل نوت بوك) وتشاركه لو حبيت …

جوجل عملت حاجة مشابهة جميلة فى (جوجل ريدير) لسة شايفها امبارح .. انك وانت بتقرأ أى موقع سواء بيدعم ال RSS أو لأ .. تقدر تعلم على أى فقرة فى الصفحة وتضيفها لحسابك فى (جوجل ريدير) .. وتقدر تشارك الجزء دة كمان مع أصدقائك .. ويظهر فى الكليب اللي بتضيفه فى المدونة .. وتقدر تكتب تعليق عليه كمان يظهر معاه فى نفس صفحة المشاركة .

روابط :

Share anything. Anytime. Anywhere

Share and Annotate Web Pages in Google Reader

About : Google Notebook

خدمة الفييدز خلت للويب طعم تاني .. وضاعفت بالتأكيد حجم المعرفة اللي كنت بتاخدها من الويب 20 ضعف على الأقل .. لكن فيه مواقع مش بتقدم خدمة ال RSS , وبتبقي عايز تعرف أى تحديثات اضافت لبعض صفحاتها …

موقع (page2rss) .. بيقدم الخدمة دى بمنتهي البساطة .. اكتب عنوان الموقع (أو الصفحة) اللي مش بيدعم الRSS .. وكليك على (to RSS) والموقع هيديك رابط تقدر تضيفه لحسابك فى (جوجل ريدير) عشان تتابع تحديثات الموقع دة .

روابط ذات علاقة :

Monitor Google’s Homepage with Page2RSS