Clash of the Titans

قعدت أدعبس فى جهاز واحد صاحبى و لقيت عنده ذكرى لا يمكن أنساها عباره عن فيلم شفته من زماااااااااااااااان و أنا فى خامسه إبتدائى أسمه كلاش أوف تيتانز .. جميل أوى جو الغموض بتاع الأساطير الأغريقيه و الفيلم ده كان حكايه لوحده خصوصا أنه فيه البيجاسوس و ميدوسا .. البيجاسوس حصان أسطورى طائر ما أفتكرش فيه فيلم تانى كان فيه البيجاسوس غير ده و ميدوسا من الأساطير الغريبه و المرعبه وخصوصا فى الفيلم لما برسيوس يدخل كهف ميدوسا عشان يقطع راسها عشان يستخدمها فى تحرير حبيبته أندروميدا

بيرسوس هيدخل هنا كهف ميدوسا

وطبعا لأن د.أحمد خالد توفيق تخصص أساطير فأنا كنت منتظر أنه يكتب عن ميدوسا أسطوره على أحر من الجمر و لما كتب أسطورة وحش البحيره تصورت فى الأول أنه بيتكلم عن ميدوسا لكن طلعت أوت لأنه كان يقصد وحش لوخ نس الشهير فى إسكتلندا لكن مفيش سنه و كتب العدد رقم ستة و كان أسمه أسطورة رأس ميدوسا وجبتها و أنا فرحان أوى وفرحت أكتر لما لقيته بيتكلم عن الفيلم فى القصه لكن للأسف كنت فى أولى إعدادى ساعتها و مفهمتش حاجه من القصه لأن أسلوب د.أحمد صعب شوية

أضافه:

أندروميدا حبيبة برسيوس هتسلسل فى الحديد فى أخر الفيلم عشان تتقدم كقربان لوحش بحرى ضخم أسمه الكراكون و بما أن علماء الفلك مولعين جدا بأسماء أبطال الأغريق فعشان كده سموا مجره كامله بأسم حبيبة برسيوس
"أندروميدا" أو مجرة المرأة المسلسلة